Pagkakaiba sa mga pagbabago kan "An Buhay Sa Uma"

Content deleted Content added
Bâgong páhina: Rawitdawit na tinokda' ni Leonor Dy-Liacco, sinapi' sa libro niyang '''An Bikolana'''. '''AN BUHAY SA UMA''' : An mag'agom buhay ninda matoninong : Sangkap ssindang ...
(Mayong pagkakaiba)

Pagbabago puon kaitong 11:21, 30 Hunyo 2009

Rawitdawit na tinokda' ni Leonor Dy-Liacco, sinapi' sa libro niyang An Bikolana.


      AN BUHAY SA UMA


An mag'agom buhay ninda matoninong
Sangkap ssindang gayo sa pagharong-harong
Saray asin tago sa su'yab na rirong
Dai kaipuhan mag'estar sa "mansion...."


An kaldero sartin, kawale o koron
Saribo an dapog nugpo sa taluhong
Ti'ris sa banggera plato asin baso
Malinig an kuwit pati mga tabo'.


Dai nanunubli' kudkuran o nigo
May pala, may kagkag igwa pa nin tukon
Pagsakat sa niog igwa man nin palaw.


Igwa nin batya' ki Nanay labahan
Nagibo nin sipit gibo sa kawayan
Yaon sa likudan an mga sablayan
Dai nanunubli' orog na kan sundang.


May lubang may ha'lo
Ta nagbababayo mayo nin molino
Dakul an tinanom sa saindang natad
Dai man tikapo sa Diyos minahagad.