Pagkakaiba sa mga pagbabago kan "Computer Science High School of Bicolandia"

Content deleted Content added
sNo edit summary
s Nagdugang nin "Paglaog" na parte
Linya 6:
Namokna an Computer Science High School of Bicolandia kan taon 2008 sa ri'gon kan R.A. 10284 sa Kongreso kan Filipinas.<ref>https://thecorpusjuris.com/legislative/republic-acts/ra-no-10284.php</ref> An nagligad kaning pangaran iyo an Bicolandia ICT-Oriented High School asin pag-abot kan pirang bulan puon kan pagkamokna kan eskwelahan tulos man pigribayan an pangaran gamit an presenteng ngaran kaini.
 
Si dating Kongresman kan Ika-tulong Distrito kan Camarines Sur na si [[Luis Villafuerte, Sr.|Luis R. Villafuerte]] an binibistadong ama kan eskwelahan. Ini nagibo sa pakikipag-tabangan niya sa pinaka-enot na presidente kan Central Bicol State University of Agriculture bilang unibersidad na si Atty. Marito T. Bernales.<ref name=":0">http://cshsb.blogspot.com/2014/01/computer-science-high-school-of.html</ref>
 
Sa tabang kan dating alkalde na si Alexis San Luis, pig-imbitaran an mga kakagradwar pa lamang sa elementarya, urog na si may mga onra, sa banwaan nin Pili, Camarines Sur na magkua nin eksaminasyon kan taong 2008 sa nasambit na bagong paadalan. Sisenta (70) na estudyante an orihinal na plano na kuanon hasta ngani nagdugang nin duwa, kaya igwang sisenta y dos (72) na estudyante an ''pioneer batch'' kaini.
 
Resipyente nin libreng edukasyon asin mga dugang pang benepisyo an mga enot na estudyante kan eskwelahan. Ini hale sa tabang kan dating Kongresman na iyong kagmokna man kan eskwelahan. An mga enot na seksyon igwang ngaran na "I-Unity" asin "I-Harmony". Kan taong 2009 puon piggamit an presenteng edipisyo kan eskwelahan asin an pag-gamit kan mga seksyon na nagpupuon sa letrang "A" asin "P". Igwa nin duwang seksyon kada grado an eskwelahan puon pa kan pagkamokna kaini hasta sa ngunyan.<ref name=":0" />
 
Nasa kapot kan unibersidad an eskwelahan sa laog kan pitong taon. Enot napasairarom ini sa Institute of Arts and Sciences (ngunyan an College of Arts and Sciences), asin pigbalyo sa pangangataman kan College of Development Education kan taong 2011. Sa taon nin 2012, nakagradwar an enot kaining mga estudyante.
 
Taon nin 2015 kan pigbalyo an pangangataman kan CSHSB sa Departamento kan Edukasyon. Asin sa pag-implementar kan K to 12 Basic Education Program kan Administrasyong Aquino, dagos na nagin ''junior high school'' an eskwelahan puon kan 2015. Sa presente, popular an CSHSB bilang minamawot na eskwelahan kan mga gradwar nin elementarya gikan sa banwaan nin Pili, Camarines Sur asin iba pang mga banwaan kan Camarines Sur.
 
== Paglaog ==
Kinakaipuhan kan eskwelahan na makapasar sa eksaminasyon asin interbyu an mga aplikanteng estudyante. An mga makakapasar iyo an mga masunod na estudyante para sa Ikapitong Grado sa seksyong 7-Abacus asin 7-Pascaline.<ref>St, Bicol; ard. "Computer Science High School of Bicolandia announces entrance exam sked". ''BICOL STANDARD | Bicol News''. Retrieved 2020-03-28.</ref>
 
== Kurikulum ==