Pagkakaiba sa mga pagbabago kan "Hu Jintao"

 

Si '''Hu Jintao''' (Tsinong simple: 胡锦涛; Tsinong tradisyunal: 胡錦濤; pinyin: Hú Jǐntāo, pinangaki Desyembre 21, 1942) iyo an presenteng Pinakahalangkaw na Pamayo kan Republikang Popular kan Tsina, kapot an mga titulong Sekretaryo Heneral kan Partidong Komunista nin Tsina poon 2002, Pamayo kan Republiukang Popular nin Tsina poon 2003, Poon kan Komisyon Sentral nin Militar kadto pang 2004 na nagsalida ki [[Jiang Zemin]] bilang siya an namamayo na sa lideratong nag'aapat nang henerasyon sa Partido Komunista nin Tsina.

 

Sa termino niya ibinalik niya an kontrol kan estado sa magkapirang sektor kan ekonomiya na pigluwagan kan nakaaging administrasyon huli gayod ta medyo konserbatibo siya pag'abot sa reporma pulitika..<ref>{{cite news|last=Luard |first=Tim |url=http://news.bbc.co.uk/2/hi/asia-pacific/4165209.stm |title=BBC:China's Leader shows his stripes. 11 January 2005 |publisher=BBC News |date=11 January 2005 |kinua 9 Nobyembre 2012}}</ref> Katuwang si Premier [[Wen Jiabao]], si Hu namoon sa haros sarong dekada nin dagosdagos na pagtalubo asin paggantad na nagpapusog sa Tsina bilang sarong poder sa kinaban. Hinanap niyang mapagantad an sosyo-ekonomikong buhay sa laog kan nasyon paagi kan inapod nindang Konsepto na Pagpagantad na Siyantipiko na tinotonggo an pagtogdok nin "magkaoroyon na sosyedad", progresibo asin mayong siriplingan.<ref name=Kuhn>{{cite web|url=http://www.esnips.com/doc/907de9f2-a212-46b3-9efe-d23813bc03f3/Kuhn-Media-Press-Hu-Jintao.pdf |title=Kuhn, Robert Lawrence: Hu's Political Philosophies |publisher=Esnips.com |date= |}}kinua 9 Nob 2012</ref>Manta, si Hu higot na kontrolado an hiro kan Tsina sa lantad nin pulitika na alistong binubungkal an anoman na kariribokan asin pagkokontra kan mga aktibista, o kan mga protesta nin mga etnikong minoriya. Sa panluwas na polisya, saiyang itinotolod an "matoninong na pagpagantad," gamit an inaapod na "malomoy na poder" sa internasyonal na relasyon asin sa diplomasya paagi sa pakitrato sa negosyo. Masabi pa, sa panahon niya an impluensya kan Tsina orog na nagkusog sa rona kan Aprika, Latin Amerika asin sa mga patalubong saradit na nasyon.<ref>[https://monitor.worldsavvy.org/index.php?option=com_content&view=article&id=126&Itemid=184 World Savvy Monitor: China and the World - A foreign policy overview]</ref>

 

==Mga enot na taon==

 

Kan taon 1968 si Hu nagserbisyo sa [[Gansu]] na an trabaho yaon sa konstruksyon kan [[Liujiaxia Dam|Liujiaxia Hydroelectric Station]]<ref>"临夏旅游" (Linxia Tourism), published by Linxia Hui Autonomous Prefecture Tourist Board, 2003. 146 pages. No ISBN. Pages 26-27.</ref> manta sabay man saiyang pigmamato an mga sibot sa lokal na sanga kan Partido duman sa Ministro nin Patubig asin Elektrisidad. Poon 1969 abot 1974, si Hu nagtrabaho sa [[Sinohydro]] Engineering Bureau, bilang inhenyero.<ref>Gilley, Bruce. Chjina's new rulers: the secret files. New York. p. 79.[[isbn=I-59017-072-5]] </ref>

 

==Mga panluwas na takod==

*[http://news.bbc.co.uk/2/hi/asia-pacific/4165209.stm China's leader shows his stripes] 2005 BBC na artikulo nakikiasusangan na mas konserbatibo si Hu kisa kan pigpapahiling niya sagin

*[http://www.time.com/time/asia/magazine/article/0,13673,501050131-1019916,00.html Requiem for Reform?] Bisyon ni Zhao Ziyang na magkaigwang paghihira sa pulitika sa Tsina nagdiklom huli sa matagas na tindog ni Hu Jintao (Time Asia)

 

== Toltolan ==