Pagkakaiba sa mga pagbabago kan "Ludovico Arejola"

Huli ta an natada haros mga taga-Bicol na sana, asin nahilinghiling ni Arejola kulang an pwersa niya kumpara sa nagdadangadang na tropa kan Amerikano pasiring Naga, pinagmarhay niyang magsararo na sana sinda ni Tenyente Koronel Dimalibot duman sa Pili. An mga Amerikano naglusob sa Pili asin naabutan kan Pebrero 25, 1900, an pinagsarong pwersa ninda Arejola asin Dimalibot duman sa Agdangan, Baao.

 

 

Sa Agdangan an makuring sagupaan nangyari kan duwang pwersa, na sa tataramon kan sarong Amerikanong soldados na yaon duman sa laban, si George R. Clements, " ...an mga tropang (Filipino) maisog na nakikipagbokbokan, dawa ngane nahihiling mi sinda sarosaro natatamaan asin hinahakot parayo si mga gadan goyod sa pababa nin damulag. Kadakulkadul sinda, mala ta pag an saro natamaan, may saro tolos na nasangle, kinukua an badil saka daing ontok nagpapaputok. Maski pira na an samong nagadan o nalugadan, parehong bilang nin mga riple an nagpapaputok samuya." Nagpoon an batalya alas seis nin aga, nagtapos odto na.<ref>http://banuaan.tripod.com/features/agdangan/battle03.htm Kinua 28-05-14</ref>