Pagkakaiba sa mga pagbabago kan "Jose Fuentebella"

Si Jose aki ni Mariano Fuenmtebella, na may dugong Kastila na an ginikanan mganasusog pa na haleng taga[[Segovia, Espanya]]. An saiyang ama, na sarong mayaman asin madagang komprador, nagin gobernadorcillo kan Sangay dangan gobernador kan Ambos Camrines (1912-1916). Nagadal siya asin nagkua nin Artes Batsilyer, summa cum laude, sa Ateneo de Manila (1902), nakatapus nin abogasya, summa cum laude, sa Escuela de Derecho kan 1905. Nakapasar sa Bar kan taon 1906.

May duwa siyang tugang, si Manuel, sarong doktor asin si Felix, sarong inhenyero. An duwa niyang tugang na ini pareho man nagin pulitiko asin nagsirbi komo mga Representante kan Camarines Sur asin ta si Felix nagin man Gobernador kanm(1953-1972) kan sinabing probinsya, sa saindang sadiring panahon.

Si Jose nagin Representante kan Ambos Camarines sa ika-2 asin ika-3 Asambliya Nasyonal nin pitong taon (1909-1916) na sa laog kan turno niya nagin siyang speaker Pro Tempore (1914). Kan magadan an ama niyang si Don Mariano siya an nagsalida komo gobernador (1916). Pakatapos kan turno niyang ini nag'ubos siya nin panahon sa pag'asikaso sa mga negosyo kan pamilya asin pagpraktis kan saiyang abogasya. Alagad an kamawotan niya na magsirbi naman sa banwaan dai natios. Nagdalagan siya uli sa eleksyon komo Senador representado an ika-6 na distrito (Bicol) kan Filipinas asin siya nakaluwas. Pitong taon siyang nsgtukaw bilang Senador, 1928-1935. Kan eleksyon nin 1935, nagkandidato siya, asin nanggana, bilang Representante kan ika-2 distrito kan Ambos Camarines. An kargo niyang ini nag'abot sa taon 1941.