Pagkakaiba sa mga pagbabago kan "Bulkan Mayon"

An Bulkan Mayon may sobra sa 50ng beses nagtuga na sa historya kaini <ref>[https://www.volcanodiscovery.com/mayon.html] www.volcanodiscovery.com. Kinua 10-09-17</ref>: ang enot kan taon 1616, an pinakáhuri kan taon 2013. Ang pinakámakosog na pagpotok kan bulkan Mayon iyo kan Febrero 1, 1814. Natambunan nin lava an [[Rugbang Simbahan nin Cagsawa|banwaan na Cagsawa]] asin may 1,200 tao an nagadan. Ang kampanaryo kan simbahan kan banwaan an natatada nin huli ta rompag na an pinaká-simbahan kaini. Pyroclastic flows, an mainit na abo an nakagadan sa 77 katao, kadaklan paraoma, sa huring makosog na pagpotok kan Mayon kadtong 1993. Kan taon 1984, sobra sa 73,000 katao an pinahali sa 'danger zones' sigon sa mga scientistsa kan Philippine Institute of Volcanology and Seismology. Mayo man naireport na nagadan.

 

==Pagtuga kan 1897==

An pinakahalawig na pagtuga kan Bulkan Mayon nangyari kan taon 1897, na nagpoon Hunyo 23 asta Hunyo 30. Ini nagresulta sa pagkagadan nin sobra 400 katawo huli sa nagbubulos na laboy asin tubig na nagbubuladbukad asin nag'oolantong mga mainit na kagagapoan. An pagputok nag'ayaw nin 17 oras asin rinatakan an pampang-dagat kan Sto. Domingo, asin mga baryo sa Sto. Nino, San Isidro, San Roque, San Antonio, Misericordia sa banwaan nin Sto. Domingo; banwaan nin Ligao; parte kan Bigaa, San Fernando; asin an Syudad nin Legazpi. An Salog Basud kan Li'bog (ngonyan nginaranan nang Sto. Domingo) asin Camalig binulosan man nin nagbubugawas na mainiton na laboy (lava). An kalangitan sa palibot pinatos nin maitom na abo asin naghitsurang sinarom an mga magkataraid na lugar. An pagtugang ini kan Bulkan Mayon iyo na daa an nagtaong pinakagrabeng ratak sa probinsya nin Albay.<ref>[https://books.google.com.ph/books?id=CRzMOYIuLJEC&pg=PA416&redir_esc=y#v=onepage&q&f=false]books.google.com. Kinua 10-09-17</ref><ref>[http://newsinfo.inquirer.net/638630/5-most-destructive-explosions-of-mayon-volcano].newsin fo.inquirer.net.Kinua 1-09-17</ref>

 

==Pagpotok kan 1984 asin 1993==

Mayo man nadiklarang gadan ining 1984 na pagpotok pero 73,000 na katao an pinahubo' hale sa delikadong lugar sa palibot kan bulkan, susog sa mando kan mga personahe kan kan PHIVOLCS. Ining 1993 na pagpotok ginadan ang 75 na mga tawo huli daa sa pyroclastic flows kadaklan mga paraoma o mga nagiistar sa palibot kan Bukid na habong magrayo.