Pagkakaiba sa mga pagbabago kan "Gerang Iran-Iraq"

Content deleted Content added
EmausBot (urulay | ambag)
s Bot: Migrating 1 interwiki links, now provided by Wikidata on d:Q82664
Ringer (urulay | ambag)
No edit summary
Linya 1:
[[File:Iran-Iraq war-gallery.png|right|thumb|350px|Galeriya nin mga tagbo' sa gera: Pagbali kan mga Iraning kaakian sa ralaban (itaas wala), Mga bangkay nin sibilyan resulta nin pagsakyada kan Irak (itaas too), Bandang olin na pagta'naw sa pagtagilid nin USS Stark ta naigo kan mga panggerang eroplanong Iraki (tanga; wala), Pro-Iraking mga pwersang PMOI nagkagaradan sa Operasyon Mersad (tangang too), Mga dakop Iraki kan mabawi an Khorramshahr kan mga Irani (ibaba wala), ZU-23-2 na tangke ginagamit kan Hokbong Irani (ibaba too).]]
[[File:Iran-Iraq war-gallery.png|right|thumb|350px|Galeriya nin mga tagbo' sa gera]]
 
An '''Gerang Iran-Irak''' iyo an armadong dingkilan sa pag'ultan kan [[Iran]] asin [[Irak]] na nag'ayaw nin walong taon sobra, poon 22 Septyembre 1980 kan an Irak sinakyada an Iran, sundo Agosto 1988 asin nagtapos man ngane na mayong malinaw kun siisay an nanggana. An gera nagputok dara kan halawig na historya nin iriwal dapit sa pagdolonan kan duwa, asin orog pang nagatongan kan pagkatakot kan Irak na an [[Rebolusyon Irani]] na nagbungkaras kan 1979 mapukaw nin insurhensya sa mga halawig nang inaaping mayoriyang Chiita sa laog kan Irak. Saro pang motibasyon iyo an kama'wotanhagap-hagap kan Irak na makasangle sa Iran bilang iyo an dominanteng estado sa Golpo Persya.<ref>[http://www.history.com/topics/iran-iraq-war]History.com. Kinua 22-05-17</ref>
 
Dawa hinuhuna kan Irak na makakabentahe sinda resulta kan maribok asin baralanggong kamugtakan na ibinunga kan rebolusyon asin kaya nag'atake na mayong pormal na patanid, sa totoo limitado an pag'ogsod kan atake sa Iran asin ini nasumpo tolos-tolos an pag'atake, mala ta an Iran nabawe man kadale an anoman na teritoryong nasakop kan Irak pag'abot kan Hunyo 1982 asin sa mga masurunod na anom na taon, an Iran iyo an agresibo sa laban asin nakakalaog ngane sa teritoryo kan Irak. An gera saro daa sa pinakamakuring balbagan nin duwang nasyon na nasaksihan an mga estratehiyang ginamit sa [[Enot na Gerang Pankinaban]], asin halawig na polpogan sa mga kinalot na posisyon na tinaytayan mga alambreng tunokan, mga posisyon kun saen may mga machine gun, mga daluso nin mga soldados naka de bayoneta, roborobong pagdagas sa kalaban asin an paggamit nin mga armas kemikal kan Irak asin tuyong pagbomba sa mga target na sibilyan. Masabi pa, an mga poderosong nasyon arog kan Estados Unidos asin Unyon Sobyet asin ibang Arabo asin Europeong nasyon, kinampihan pa asin tinabangan an kag-sakyadang Irak asin an Iran haros nagsolosolo nakipagpolpogan na mayong gayong suporta. An sobrang walong taon na gera, kapagalan sa maisog na gera, pagkukulang na sa simpaitya sa Irak huli sa sobra na an pagpupuho sa mga sibilyan na populasyon gamit an inapod na weapons of mass destruction, asin nadagdagan pa kan tensyon sa relasyon sa pag'ultan kan Iran asin Estados Unidos, nagresulta sa pagpaki'aram kan Estadong Unyon na magkaigwa nin untok-putokan sa duwang nagbabalbagan.<ref>[https://www.britannica.com/event/Iran-Iraq-War] Britannnica.com. Kinua 22-05-127</ref><ref>[http://www.globalsecurity.org/military/world/war/iran-iraq.htm]GlobalSecuritry.org.Kinua 22-05-17</ref>