Pagkakaiba sa mga pagbabago kan "Gerang Iran-Iraq"

 

 

Dawa hinhuna kan Irak na makakabentahe sinda resulta kan maribok asin baralanggong kamugtakan na ibinunga kan rebolusyon asin kaya nag'atake na may pormal na patanid, sa totoo limitado an pag'ogsod kan atake sa Iran asin ini nasumpo tolos-tolos an pag'ataked, mala ta an Iran nabawe man kadale an anoman na teritoryong nasakop kan Irak pag'abot kan Hunyo 1982 asin sa mga masurunod na anom na taon, an Iran iyo an agresibo sa laban asin nakakalaog ngane sa teritoryo kan Irak. An gera saro daa sa pinakamakuring balbagan nin duwang nasyon na nasaksihan an mga estratehiyang ginamit sa [[Enot na Gerang Pankinaban]], asn halawig na polpogan sa mga kinalot na posisyon na tinaytayan mga alambreng tunokan, mga posisyon kun saen may mga machine gun, mga daluso nin mga soldados naka de bayoneta, roborobong pagdagas sa kalaban asin an paggamit nin mga armas kemikal kan Irak asin tuyong pagbomba sa mga target na sibilyan. Masabi pa, an mga poderosong nasyon arog kan Estados Unidos asin Unyon Sobyet asin ibang Arabo asin Europeong nasyon, kinampihan pa asin tinabangan an kag-sakyadang Irak asin an Iran haros nagsolosolo nakipagpolpogan na mayong gayong suporta. An sobrang walong taon na gera, kapagalan sa maisog na gera, pagkukulang na sa simpaitya sa Irak huli sa sobra na an pagpupuho sa mga sibilyan na populasyon gamit an inapod na weapons of mass destruction, asin nadagadagan pa kan tensyon sa relasyon sa pag'ultan kan Iran asin Estados Unidos, nagresulta sa paginterbenir kan Estadong Unyon na magkaigwa nin untok-putokan sa duwang na nagbabalbagan.