Pagkakaiba sa mga pagbabago kan "Sawa"

An '''sawa''' (Ingles: boas, boids, boioids) iyo an apod sa mga halas na mayo nin kamandag alagad nandadakop paagi nin pagporopot sa kakakanon kaini. Ini lakop sa Amerika, Africa, Europa, Asya, asin sa ibang mga isla sa Pasipiko. An mga nagugurang na kaini kasyahan o darakula nanggad an tamanyo asin haralaba, alagad, an mga babae kaini mas dakula kisa sa mga lalakeng sawa.<ref>[http://animals.nationalgeographic.com/animals/reptiles/boa-constrictor/] National Geographic. Boa Constrictor. Kinua 31-01-17</ref>

An sawa mayong kamandag, nakukua sa tropikal na lugar arog kan Sentral asin Habagatan Amerika. Arog kan mga anaconda, ini mahusay maglangoy pero mas gusto sa alang na daga, nagsusulok sa mga guang na kahoy o sa mga bungag.<ref>[http://animals.nationalgeographic.com/animals/reptiles/boa-constrictor/]Boa Constrictor, Kinua 31-01-17</ref>

An sawa dawa ano na sana an kinakakan basta madakop kaini arog kan [[gamgam]], [[kabalang]], [[baboy damo]] o [[opon]], o [[kino]]. An salang kaini nahignit nanggad sa pagkabuka kaya kayang hamilon na bilog an dakop. An sawa dinadakop ngona ninda an biktima paagi nin pagkagat, asin alistong pinoporopotan sagkod na mapiot paghangos dangan hinahamil o sinisiba na bilog an nadakop kaini. An ngipon kan sawa bakong tirindog kundi patiko palaog nguso, bagay na garo sima na mayo na makahulpos sa kagat an biktima kaini.<ref>[http://animals.nationalgeographic.com/animals/reptiles/boa-constrictor/] Boa Constrictor. Kinua 31-01-17</ref>

An babaeng sawa nahilomlom kan sugok kaini sa laog mismo kan pagbabados niya asin ino'olpot buruhay nang ogbon na pwedeng an bilang naabot 60ng ogbon. Pag'inolpot, an ogbon may sukol na 2 pye (0.6 m) an laba asin sige sana an paglaba kaini sa lawig-buhay ninda na hanggan 25 sagkod 30ng taon. An nakua na daang pinakadakulang sawsa nagsusukol na 18 pye (5.5 metro)..<ref>[http://animals.nationalgeographic.com/animals/reptiles/boa-constrictor/] Boa Constrictor. Kinua 31-01-17</ref>