Pagkakaiba sa mga pagbabago kan "Marquis de Lafayette"

Si Lafayette nagbalik sa Pransya kan 1787, nanombrahan sa Asamblea nin mga Notables na binilog huli sa krisis sa pinansya. Siya napili na kaapil sa Estates-General kan 1789 kun saen an mga kasalihid hale sa tolong tradisyonal na grupo ginuguno: sa kapadian, sa mga ginoo, asin sa mga commoner. Siya nagtuwang sa pagpanday kan Deklarasyon kan Mga Katanosan nin Tawo asin kan Namamanwaan, katuwang si [[Thomas Jefferson]], na iyo an nagin embahador kan E.U. duman sa Pransya. Kan malusob an Bastille, si Lafayette tinukahan na hepeng pamayo kan National Guard, asin pighingoa na sa tahaw siya magbaktas asin daing kampihan sa maribok na Rebolusyon Pranses. Kan Agosto 1792, an mga radikal na grupo pigpa’aresto siya. Nagdulag pasiring Belgium alagad nasikop kan mga tropang Austriano asin nakulong siyang 5 taon.

Kan nalakaw ni [[Napoleon Bonaparte]] an pagpaluwas saiya sa preso kan 1797, nagbalik siya sa Pransya alagad dai siya nag’ayonnakibali sa gpbyernogobyerno ni Bonaparte. Kan mangyari an inapod na Bourbon Restoration kan 1814, nagin siyang myembro kan Chamber of Deputies na haros nagtener siya igdi sa natada pang mga taon niya. Kan 1824, pig’agda siya ni Presidente [[James Monroe]] na magpaEstados Unidos bilang bisita kan nasyon kun saen maimbong na gayo an pagsabat saiya kan bilog na banwaan asin binisita niya an gabos na 24ng estado igdi.