Pagkakaiba sa mga pagbabago kan "San Jose, Camarines Sur"

An '''San Jose''' yaon sa ikaapat na kategorya kan mga klase nin [[:Category:Mga banwaan kan Camarines Sur|banwaan]] sa [[Provincia kan Filipinas|provincia]] kan [[Camarines Sur]], [[Filipinas]]. Segun sa sensus kan 2010, igwang 38,523 katawo na nag-eerok digdi. Pero, uyon sa pinakahuring datos kan munisipyo, an banwaan igwa na sa maabot na 41,928 katawo asin igwa man nin 8,220 na total na pagharongon. Kadaklan sa mga ini mga paraoma, parasira asin mga trabahador. An insidente nin pagtios minaabot man sa 39.10%.

 

== Historiya ==

An banwaan kan San Jose, na kaidto bantog sa ngaran na Danlog, sarong barrio kan Lagonoy amay kaidtong ika-19 siglo. Ini dagos na parte kan Lagonoy sagkod sa taon na 1816 kunsoarin na an San Jose pinag-establisa sa pangaran na Patrocinio na pinaggikan sa tataramon na "patron" na an boot sabihon "modelo". Sa bandang huri, an mga tataramon na "de San Jose" pinagsumpay sa dati kaining pangaran, kaya nagin Patrocinio de San Jose. Alagad sa dae nahaloy na panahon pinaghalipotan ini na magin San Jose na sana na iyo ngunyan an opisyal na pangaran kan munisipalidad.