Pagkakaiba sa mga pagbabago kan "Taliban"

An '''Taliban''' (طالبان ṭālibān, an kahulugan, "estudiante" Arabo) sarong Islamikong extremistang grupo na nagsakop asin namoon sa dakulang parte kan [[Apganistan]] poon Septyembre 1996 abot 2001. Dawa naglimang taon na kontrolado an kabesera nin [[Kabul]], asin an mahiwas na parte kan banwang Apganistan, an itinogdas na gobyerno kaini, an Islamic Emirate nin Apganistan, nakua lang an relasyon diplomatiko kan tolong nasyon: [[Pakistan]], [[Arabya Saudita]] asin [[United Arab Emirates]]. Kan mangyari an atake nin Septyembre 11, 2001 sa Amerika, an rehimen kan Taliban pinatalsik kan pinagsararong tropa kan United Front ni [[Ahmad Shah Massoud|Massoud]] sa pag'aayuda asin suporta sa ayre kan mga Amerikano sa inapod na [[Operation Enduring Freedom]]. An Taliban nagkurutipas pasiring sa teritoryo kan Pakistan kun saen sinda nagtiripon liwat sa pagbilog nin pwersa insurhensya sa paglaban sa Islamic Republic of Afghanistan, an bagong gobyerno na tinogdas kan kahurihan nin 2001 asin pinamayohan ni [[Hamid Karzai]]. An Pinagsarong mga Nasyon (UN) nagmukna man kan International Security Assistance Force (ISAF) sa pag'asiste sa bagong gobyernong ini.<ref>ISAF has participating forces from 39 countries, including all 26 NATO members. See [http://web.archive.org/20070815054425/www.nato.int/isaf/docu/epub/pdf/isaf_placemat.pdf ISAF Troop Contribution Placement, 2007-12-05].{{dead link|date=August 2010}}</ref>