Pagkakaiba sa mga pagbabago kan "Jesse Robredo"

 

An pamilya niya tinatàwan nanggad importansya asin parati napuli sa pangudtohan ngani makasaro an saiyang pamilya sa pagkakan, asin kan siya Sekretaryo na, pagtatapos kan semana tulos nauling Naga sa tuyong makasaro niya an saiyang agom asin mga aki. Seguro huli sa mapanas na memorya maski sarong beses na pinabisto saiya dai naliliingawan asin tinitìno sa dalan kun masabatan

 

==Kagadanan ==

Kan [[Agosto 18]], [[2012]] (oras sa Filipinas) an eroplanong Piper Seneca lunad si Sekretaryo Robredo, asin an tolo niyang kairiba, sinda Capt. Jessup Bahinting, Kishitz Chand (sarong Nepali) asin an saiyang aide-de-camp na si Jun Abrasado, naglagpak sa tubig kan Sola' nin [[Masbate (provincia)|Masbate]]. An eroplano haling [[Cebu (ciudad)|syudad nin Cebu]] kun sain siya imbitado sa inagurasyon kan sarong bagong edipisyo kan Philippine National Police asin pasiring nang syudad nin Naga sa tuyong mapuli sa saiyang pamilya urog na ta gusto niya mag-atender sa swimming competition na kinakabalihan kan nguhod niyang aking si Jillian. Sa apat na sakay, saro an nakaligtas buhay asin an duwang piloto saka si Robredo nakua garadan na pag'ayaw nin apat na aldaw na pugapugang pagrurip kan mga naghaharanap sainda. Nakua sinda nakakulong sa naglubog na eroplano asin ini nakasangat sa gilid nin ampas, 180 pye an rarom asin 800 metro an rayo sa kosa kan Masbate.<ref>http://edition.cnn.com/2012/08/18/world/asia/philippines-plane-crash/index.html</ref><ref>http://www.gmanetwork.com/news/story/270304/news/nation/small-plane-carrying-dilg-sec-jesse-robredo-crashes-off-masbate</ref><ref>http://newsinfo.inquirer.net/254488/robredos-body-found-roxas hinogkot 21-8-12</ref>

 

 

==Paghotad asin paglubong==

Pighotad si Robredo poon Agosto 22 abot Agosto 24 sa Chapel of the Good Sheperds sa laog kan Arsobispado kan arkideosesis nin Nueva Caceres<ref>http://www.gmanetwork.com/news/story/270655/news/nation/robredo-wake-begins-in-naga-city-at-archbishop-s-palace Paghotad sa palasyo kan Arsobispo</ref> asin agang amay isinakay sa eroplano ta duman sa Kalayaan Hall kan Palasyo Malakanyang papatentehan. Domingo ibinalik sa Naga kun saen gagawadan nin sarong solemneng 'state funeral' kan gobyerno asin planong ipacremate pakatapos. An gobyerno totoo nagtangro sa pamilya na pwede ilubong sa "Libingan ng mga Bayani". An pamilya nagdesisyon na igdi sa Naga si Robredo ultimong ihuhulid ta sabi kan agom iyo ini an gustong balikan kan saiyang agom, an saiyang "maogmang lugar", an saiyang kinamundagan. An saiyang abo isinaray sa mausoleo kan pamilya sa kamposantong Eternal Gardens sa Bgy. Balatas, siyudad nin Naga.

 

==Toltolan==