Pagkakaiba sa mga pagbabago kan "Jorge Barlin"

Si Padre Jorge Barlin nabantog na gayo sa pagsurog sa Simbahan Katoliko kan an simbahan nin Aglipay pighihingako an rogaring kan Simbahan Katoliko sa [[Lagonoy, Camarines Sur]] ta si pading katoliko duman, si Padre Vicente Ramirez, nagsuway na sa Simbahan Katoliko asin uminayon na sa Aglipay. Katakod kan pangyayaring ini, si P. Ramirez habo nang maghale sa pwesto bilang administrador kan Simbahan duman asin sinasabi niyang an mga Aglipay iyo na an kagrogaring kan si edipisyo kan Simbahan, an gabos na gamit asin kwarta kan paroko kabali pa an kamposantong kinakaptan asin pinadadalagan kan Simbahan Katoliko. Sa kasong isina'ngat ni Padre Barlin sa pangaran kan Simbahan Katoliko sa pagbawe kan mga pagrorogaring kaini ki P. Ramirez, pinalmente an Korte Suprema, kan Nobyembre 24, 1906 nagdesisyon na an pagrorogaring kan mga propiedad yaon sa kontrol ni P. Ramirez mayo sa Aglipay ([[Iglesia Filipina Independiente o, Philippine Independent Church]]) kundi sa Simbahan Katoliko.<ref>http://banuaan.tripod.com/features/turtles/versus.htm</ref>. Dara kan desisyon kan Korte Suprema, siya an masasabing nagbari kan impluensya asin kusog kan Simbahan Aglipayano kan ginana niya an kaso huli ta napatalsik an gabos na mga dating katolikong mga kapadian sa mga paroko na nagbaralyo na sa Iglesia Filipina Independiente.