Pagkakaiba sa mga pagbabago kan "Mali"

[[ladawanLadawan:Flag of Mali.svg|right|thumb|250px|An wagayway kan Mali]]

[[ladawanLadawan:Coat of arms of Mali.svg|right|thumb|250px|An eskudo de armas]]

[[ladawanLadawan:Mali (orthographic projection).svg|right|thumb|250px|An mapa kan kinaban poinapaheling an k inamomogbtakan kan Mali]]

An '''Mali''', opisyalmente Republika nin Mali (Pranses: République du Mali), sarong daing-dagat na nasyon sa Aprikang Habagatan. An Mali kadolon an [[Algerya]] sa amnayan, an [[Niger]] sa subangan, an [[Burkina Faso]] asin an [[Côte d'Ivoire]] sa habagatan, an [[Guinea]] sa sur-solnopan, asin an [[Senegal]] saka an [[Mauritanya]] sa solnopan. An sukol kaini sobra sa 1,240,000 km², may populasyon na 14.5 milyon. An kabisera kaini iyo an [[Bamako]]. An Mali binibilog nin walong rehiyon asin an mga pagdolonan kaini sa amnayan hararom na nasoksok sa katahawan kan [[Sahara]], manta an rona kaini sa habagatan, kun saen an mayoriya kan habitante nag'eerok, nadalahay igdi an duwang salog kan Niger asin Senegal. An estruktura ekonomika kan Mali nasarig na gayo sa agrikultura asin pagsisira. An yaon pang rekursos naturales kan nasyon iyo an [[bulawan]], [[uranium]], paghahayopan, saka an asin.

An presenteng Msli dati kabtang kan tolong imperyo sa Aprikang Habagatan na nagkontrol kan komersyo sa kahiwasan nin Sahara: an Imperyo Gana, an Imperyo Mali, asin an Imperyo Songhai. Kan kahurihi kan ika-19 siglo, durante kan su Pag'alamosa sa Aprika, an mga Pranses sinakop an Mali asin ginibong parte kan Sudan na Pranses. An Sudan na Pranses, na bisto sa pangaran na Republikang Sudano, nakisaro sa Senegal kan 1959, asin nakamit kaini an katalingkasan kan 1960 komo sarong Pederaasyon nin Mali. Pakahaloyhaloy, kasunod kan pag'litik kan Senegal sa Pederasyon, an Republikang Sudano nagdeklara sa sadiri bilang independienteng Republika nin Mali. Pakatapos kan halawig na sarong-partidong pamomoon, sarong kudeta kan 1991 an napangyari na nagresulta sa pagpanday nin bagong konstitusyon asin an pagtogdas nin saro nang demokratiko, multi-partidong estado. Alagad, sobra sa kabanga kan populasyon nabubuhay sa kapobrehan, hababa pa sa internasyonal na lebel nin pagkapobre na $1.25 an aldaw an kinikita sana. <ref>[http://www.nytimes.com/2012/03/23/world/africa/mali-coup-france-calls-for-elections.html "New York Times"]</ref><ref>[http://hdr.undp.org/en/media/HDI_2008_EN_Tables.pdf ''Human Development Indices''], Table 3: Human and income poverty, p. 35. Retrieved on 1 June 2009</ref>

== Mga panluwas na takod ==

* [http://www.societyhae.com/profiles/blogs/mali-fashion-week Mali Fashion Week Press Conference] at United Nations.

* [http://www.cia.gov/library/publications/the-world-factbook/geos/ml.html CIA: Mali]