Pagkalaen sa tahaw nin mga pagbabago kan "Bashar al-Assad,"

223 na mga bayta pinagdugang ,  7 years ago
Mayong sumaryo nin pagliwat
Sa palakaw niya sa sadiring nasyon, siya natutuyaw na gayo ta mayo an pagrespeto sa diretsong pangtawo, sa maluyang pagmaneho kan ekonomiya asin kan korupsyon sa administrasyon. Sa luwas na pakitrato, siya maboses na kritiko kan [[Estados Unidos]] asin kan [[Israel]]. An Partido Ba'ath malinaw na iyo an may kontrol kan parlamento, asin deklaradong namamayong partido kan estado. Kan dai pa siya hararom natapsok sa pulitika, an saiyang papel publiko iyo an magin pamayo kan Syrian Computer Society na iyo an nagpalaog kan Internet sa Sirya kan 2001. Nagin siyang presidente huli lamang ta si pigmamanok na magin presidente kan saiyang ama, an tugang niyang si Basil, nagadan sa aksidente asin nataas siya sa pwesto sa sarong reperendum kan 2000. Pinaghuna siyang magin mas liberal kisa sa saiyang ama. Sa sarong interbyu, sinabi niya na an demokrasya maray na ksasangkapan sa "pagpa'asenso kan buhay" pero nagrason na dai mahihidale an paggamot kan demokrasya sa saiyang nasyon. Sinasabi na dai man ginintahan an buhay-buhay sa Sirya poon kan siya nagtukaw sa poder. May hiron sa reporma na nagbungkaras kuta sa inapod na Damascus Spring, na huli kaini si al-Assad isinara an Preso Mezzeh asin pinaluwas an ginatos na mga preso pulitikal. Alagad, dai man sana naghaloy lakopan naman an pan'iipit sa sarahotan na may peligro sa seguridad.
 
Sa presente, si al-Assad nag'aagi sa grabeng krisis sa saiyang nasyon. Makuri na an kariribokan sa nasyon huli ta an mga namamanwaan nagtutumang na asin naghahagad nin lakopan na reporma sa gobyerno. Alagad, an saiyang gobyerno orog na nagtatagas asin tinatayang lampas nang walong ribong katawo an nagkagaradan bunga kan nagkikilaban na an saiyang mga nasasakopan asin nagbutwa na an tunay na pagrerebelde na nagkapot nang armas laban sa saiyang pamomoon asin dakul nang elemento sa saiyang hokbo an nagkakampi na sa mga rebelde.<ref>http://www.bbc.co.uk/news/world-middle-east-17483891</ref>
 
Sabi ni [[Rifaat al-Assad]], an saiyang tiyoon, dai na mahahaloy an pagkapot poder kan saiyang sobrinong si Bashir al-Assad, ta lakop na sa bilog na Sirya an pagtutumang sa gobyerno.<ref>http://www.bbc.co.uk/news/world-middle-east-17594988</ref>
* [http://www.thenation.com/article/assad-brink Assad on the Brink], David Hirst, ''[[The Nation]]'', 21 November 2005
* [http://www.cfr.org/publication/9085/syrias_leaders.html Syria's Leaders], Esther Pan, [[Council on Foreign Relations]], 10 March 2006
* [http://globalspin.blogs.time.com/2012/03/27/one-year-later-can-syria-reset-its-rebellion-2/ Plano ni Kofi Annan sa Katoninongan Sa Sirya] Sinapi 3 Abril 2012
 
== Toltolan ==
{{reflist}}
17,142 mga pagliwat