An iba pang relihiyon yo an Iglesia ni Cristo, Ang Dating Daan, asin saradit na bilang kan protestante.
An Katolikong Simbahan padagos na naghihingowa nin pagbabago sa komunidad. An mga pamilyang magkataraid pinaggrupo-grupo, inaabodinaapod cluster, na may kamawotan na magin saradit na kristiyanong komunidad o SKK. Pinunan ini kan panahon na an kura paroko iyo si Reverendo Padre Michael dela Rosa (2000-2005) asin pinakarhay asin pinagmarhay pa ni Reverendo Padre Apolinar R. Napoles Jr. (2005-2008). Aktibo an simbahan sa pagtabang sa mga dukha. Kan taon 2007, nakapatugdok ini nin housing project para sa mga biktima kan bagyong Reming (Noviembre 30, 2006). Naimukna an Dusayan Village asin naitugdok an 88 na mga duplex na kun saen igwa nin 160 pamilya na na nag-eerok. Nakapatugdok man nin GK (Gawad kalinga) San Rafael Village (84 pamilya an nageerok) sa pagtarabangan kan CFC couples for Christ, LGU, asin PLDFI (Prelature of Libmanan Development Foundation Incorporated) asin iba pang mga generosong invidual asin mga grupo.
