Kompliktong pankapalibutan

An kompliktong pankapalibutan sarong komplikto o banggaan na kawsa nin pagkaraot kan kapalibutan huli sa salang paggamit sa mga rekursong pankapalibutan. Sa parati nagkapirang lado an imbwelto digdi, kabali an mga paradepensa sa kapalibutan na gustong protektaran an palibot, asin an mga gusto o nagiggibo nin salang pagmanihar sa kapalibutan para sa ibang bagay, lalo sa extractive na industriya. An mga tawong sala kun magmanihar sa mga rekursong pankapalibutan tibaad nagigin dahilan nin sobrang paggamit o pagkua nin renewable na rekurso (i.e. sobrang pagsisira o deporestasyon), na nagigin dahilan nin pagpalabi-labi sa kakayahan kan kapalibutan na labanan an polusyon asin iba pang mga input, o pagkaraot sa nabubuhay na espasyo para sa mga tawo asin kalikasan.

An mga parasurog pankapalibutan naggagamit nin man-iba-ibang taktika

Kadaklan kan mga kompliktong pankapalibutan nangyayari sa sektor nin mina, enerhiya, asin pag-apon nin basura.

Sa parati an mga komplikto na ini nakasentro sa mga isyu dapit sa hustisyang pankapalibutan na konektado sa mga karapatan kan katutubo, sa karapatan kan mga parauma o huma sa ibang pagbuhay, arog baga kan sa mga parasira o mga komunidad na nagsasarig sa natural na kayamanan kan kadagatan. An komplikto pankapalibutan, nangurog na sa mga konteksto kun sain an mga komunidad napiritan na maghali asin nagmukna nin mga migranteng pankapalibutan o heopolitikong mga iriwal, pwedeng dugangan kompleksidad kan ibang mga komplikto, kadahasan, o reaksyon sa natural na kalamidad.