Entisar Elsaeed
Si Entisar Elsaeed (o Entessar El-Saeed) sarong taga-Ehiptong aktibista para sa mga deretsos kan babayi dangan pamayo asin direktor man kan Cairo Foundation para sa Pagpapatalubo asin Batas. An saiyang grupo asin misyon nakatutok sa paghali kan kaugalian na female genital mutilation, pagtabang sa mga biktima kan domestic abuse, asin pagtatao nin edukasyon sekswal.[1]
| Entisar Elsaeed | |
|---|---|
| Nasyunalidad | Egyptian |
| Iba pang mga ngaran | Entessar El-Saeed |
| Trabaho | Women's rights activist |
| Organisasyon | Cairo Foundation for Development and Law |
Mga paghiro
baguhonKan mag-abot an pandemyang COVID-19, si Elsaeed dangan an saiyang grupo nagtutok sa nagpaparalangkaw na pag-aabuso sa mga kadakol na kababaihan. Kan maitao an mga panundon sa lockdown, pirming yaraon an mga agom na lalaki sa saindang mga harong asin ini nakapalangkaw sa porsyento kan pang-aabuso sa mga kababaihan. Dugang pa kaini, nagsapo man an edukasyon sekswal kan pandemic, nagparadakula an kakulangan sa aspetong ini kan edukasyon. Kaya, an responsibilidad sa pagmamantenir kan marhay na kamugtakan kan pamilya, napaduman sa ina. Resulta kaini na an grupo ni Elsaeed nagpaluwas nin mga pan-edukasyonal na mga materyal na matukar sa tulong isyu na ini, kaya man nagpadagos sindang makatabang dawa nasa katahawing gayo kan pandemya.[1]
Biyo man an pagkontra ni Elsaeed manungod sa female genital mutilation (FGM) sa Ehipto, kun sain yaon igdi an pinakadakol na porsyento kan mga babayi na nagsapo kaini. Nag-apruba sya sa mas magabat na padusa kan gubyerno sa kun siisay man an madakop na naggigibo kaini. Pigtukar man ni Elsaeed an pirang pagirumdom manungod sa pigpapaturubod na panundon.[1]
Dugang pa kaini, pigsusuportaran man ni Elsaeed an libreng pagtataram o pagboboses lalo idtong mga nakarsel huli sa pigsasabing "inciting debauchery" sa paagi nin pagpopost nin mga Video sa TikTok, sarong popular na social media asin video-sharing application. Nagin kritikal man si Elsaeed sa pagigin mayong kapasidad kan Ehipto na magsabay sa mga kultural na pagbabago na nagbutwa huli sa social media.[2]
Toltolan
baguhon- ↑ 1.0 1.1 1.2 1.3 "Responding to the needs of women, ‘first responders’ to Egypt’s COVID-19 crisis". Office of the High Commissioner for Human Rights (United Nations). 25 February 2021. https://www.ohchr.org/EN/NewsEvents/Pages/EgyptianWomenCOVID-19.aspx.
- ↑ 2.0 2.1 Farouk, Menna A. (15 January 2021). "Egyptian women jailed over TikTok posts to face trafficking charges". Thomas Reuters Foundation. https://news.trust.org/item/20210115154559-d4d1d.