Emperatris Kōken
Si Emperatris Kōken (孝謙天皇 Kōken-tennō, 718 – August 28, 770), midbid man bilang si Emperatris Shōtoku (称徳天皇 Shōtoku-tennō) pagkatapos kan saiyang ikaduwang pagtukaw sa trono, iyo an ika-46 (gamit an ngaran na Emperatris Kōken) asin an ika-48 na monarka kan Hapon (gamit an ngaran na Emperatris Shōtoku),[1] segun sa tradisyonal orden nin pasurunod-sunod.[2]
| Emperatris Kōken / Emperatris Shōtoku 孝謙天皇 / 称徳天皇 | |||||
|---|---|---|---|---|---|
 | |||||
| Empress of Japan (Kōken, first reign) | |||||
| Panahon kan Kapanyarihan | 19 August 749 – 7 September 758 | ||||
| Enthronement | August 19, 749 | ||||
| Suminunod ki | Shōmu | ||||
| Sinundan ni | Junnin | ||||
| (Shōtoku, second reign) | |||||
| Panahon kan Kapanyarihan | 6 November 764 – 28 August 770 | ||||
| Enthronement | January 26, 765 | ||||
| Suminunod ki | Junnin | ||||
| Sinundan ni | Kōnin | ||||
| Iminundag | Abe (阿倍) c. 718 | ||||
| Nagadan | 28 Agosto 770 (edad Error: Need valid year, month, day) | ||||
| Pigburol | Takano no misasagi (高野陵) (Nara) | ||||
| |||||
| Harong | Yamato | ||||
| Amá | Emperor Shōmu | ||||
| Iná | Fujiwara no Asukabe-hime | ||||
| Relihiyon | Buddhism | ||||
An aki ni Emperador Shōmu, si Emperatris Kōken nagin kasalihid kan trono sa edad na 31, pagkatapos kan pagrenunsiasyon liwat kan saiyang ama. Inot siyang naghade puon 749 hanggan 758. Durante kan peryodong ini, an gobyerno naimpluwensiyahan na marhay kan saiyang ina, an dating konsorteng emperatris na si Kōmyō, asin an sobrino kan huri, na si Fujiwara no Nakamaro. Pag-abot nin panahon sinalidahan siya kan saiyang paryente, si Emperador Junnin, na an pamamahala nagpapadagos sa rehimen ni Nakamaro. Durante kan peryodo nin pag-oltanan kan saiyang paghade, an retiradong si Emperatris Kōken sinasabing nagin harani sa sarong monghe na mayo nin nobleng pinaghalean, na an ngaran iyo si Dōkyō, kan 762. An saindang eksaktong relasyon nagdadanay na misteryo, minsan ngani igwa nin sarong komun na bersiyon na iyan sarong romantikong bagay. An retiradong emperatris nanumpa nin Budista asin nagin madre, alagad nagdanay an dai mapagdududahan na kabtang sa politika. Pagkagadan ni Kōmyō kan Hulyo 760, paorog nang paorog na nagin dai malilikayan an nagdadakulang pag-iriwal nin kapangyarihan sa pag-oltanan kan mga grupo ni Kōken asin Nakamaro. Kasunod kan pagpugol kan Rebelyon na Fujiwara no Nakamaro asin kan paggadan sa saiya, inotro ni Kōken an pagtukaw sa trono bilang si Emperatris Shōtoku kan 764 asin namahala sagkod na siya magadan kan 770, na isinentro an gobyerno sa saiyang sadiring kamot. Si Dōkyō nanombrahan Grand Minister sa laog nin sarong taon. Kan 766, nababantog siya sa Hōō (pading emperador) asin kan mga 769 prinobaran na magtukaw sa trono mismo, na nagbunga nin iskandalo; saro ini sa pira sanang nakarekord na pangyayari kan magkaigwa nin pagprobar na taposon an dinastiyang Yamato. An pagkagadan kan emperatris, na posibleng hale sa sadit na smallpox, asin paglaban sa aristokrasiya rinaot an saiyang mga plano. An pangyayaring ini sarong rason sa huring hiro kan kapitolyo nin Hapon hale sa Nara (Heijō). Si Emperatris Kōken iyo an saro sa pinakamakapangyarihan na babayi sa politika sa historiya nin Hapon: an suminunod na mga emperatris iyo sana an ritwal na mga namamahala, mantang an gobyerno dominado kan mga shogun (militar na mga diktador).
Sa kasaysayan kan Hapon, si Kōken/Shōtoku iyo an ikaanom sa walong babae na nagkapot kan papel nin emperatris reynante. An limang babaeng monarkiya bago saiya iyo sinda Suiko, Kōgyoku/Saimei, Jitō, Genmei asin Genshō, asin an duwang babaeng soberano na nagrereynar pagkatapos ni Kōken/Shōtoku iyo sinda Meishō asin Go-Sakuramachi.
Toltolan baguhon
- ↑ Emperor Kōnin, Takano Imperial Mausoleum, Imperial Household Agency
- ↑ Ponsonby-Fane, Richard. (1959). The Imperial House of Japan, pp. 58, 59.
