Emilio M. Tible
Si Hon. Emilio M. Tible (iminundag: Disyembre 6, 1899; Agosto 14, 1957)[1] saróng edukador, abugado, estadista asin lumberman [2] na taga Calabanga, Camarines Sur. Kan eleksyon Nobyembre 8 1949, siya nagdalagan bilang representante sa enot na distrito asin siya nanggana.
Si Tible nagtukaw sa duwang turno komo Kongresista sa Ika-2 Kongreso kan Filipinas (1949 - 1953) asin sa Ika-3 Kongreso (1953 - 1957).[3]
Biograpiya baguhon
Namundag si Tible sa Barangay na Quipayo sa banwaan nin Calabanga, Camarines Sur. Aki siya ni Prudencio C. Tible dangan ni Basilla Mendoza-Tible.
Nag-eskwela siya sa sarong probinsiyal na eskwelahang pansekondarya sa Camarines Sur dangan nagtukdo nin duwang taon sa eskwelahang pan-elementarya nin Calabanga. Nin huli ta sa dae siya kontento sa pagiging simpleng paratukdo, naglaog siya sa Kolehiyo kan Liberal na Arte kan Nasyunal na Unibersidad na kun saen nakua niya an titulo kan Assiociate in Arts. Dai nahaloy, nagduman siya sa Eskwelahan nin Ley kan Filipinas na kun saen duman siya naggraduwar na may digri kan Bachelor of Laws. Nin huli ta sa saiyang paglaog sa bar, naging matrayumpo dangan prominenteng abogadong pagsasanay. Naging bantog siya sa sarong legal na lado kan ini nanggana siya sa sarong kriminal na kaso sa saro sa mga makinang na abogado kan nasyon na ngunyan, sarong senador.
Dae lang klasipikado si Tible sa mga pig-aapod na abogados de campanilla, alagad saro man siyang paraprodyuser nin lumber. sa totoo kaini, siya saro man miyembro kan eksklusibong Manila Hoo-Hoo Club na sarong praternal na sosyodad nin mga lumberman, alagad saro siya sa lumberman na mayong sadiring harong. Kan siya nasa Manila, nagrenta siya nin sadit na apartamento sa 1129-E Dakota, Malate na kun saen duman siya nag-erok. An saiyang ginikanang-lugar, siya nag-eerok sa huring-harong kan saiyang ina na sa ngunyan yaon sa saiyang mga tugang na babae.
