Bukasan an pangenot na hùyagan

Emilio Aguinaldo (konsehal)

Para sa dating Presidente kan Filipinas, hilingon an Emilio Aguinaldo.


Si Emilio Manzano Aguinaldo sarong lider sa transport asin nagin pamayo kan Pinagkaisang Samahan ng mga Tsuper at Operator Nationwide (Piston) sa Syudad nin Naga, asin sarong politiko. An saiyang ama tubong Nueva Ecija asin an ina tubong Alcala, Pangasinan. Siya may tulong aki, anas lalaki. An duwa mga pulis nakatoka sa Syudad nin Legazpi.

Bida PolitikaLiwaton

Si Aguinaldo dating konsehal kan Syudad nin Naga na nagdalagan sa lindong kan partido pulitika ni dating alkalde Jesse Robredo. Alagad, nag'abot an panahon nagin makuring kalaban ni Robredo asin nag'abot na ngane sa punto na si Aguinaldo nagsangat nin sobra sa 50ng mga kaso administratibo asin mga kasong kriminal, anas paglapas sa "Anti-Graft and Corrupt Practices Act (R.A. No. 3019) sa Ombudsman kontra ki Robredo.[1][2]

Siya biglang nawara kan Hunyo 8, 2008 kan magbiyahe paManila sa paglakaw kan mga kaso sa Ombudsman na pigsapaw niya laban ki Robredo. An agom niyang si Marina maisog asin hayag na tinotonggo na si Robredo an may pakaaram kan pagkawarâ kan saiyang agom. [3] Hanggan ngonyan, sampolong taon na haros an nakaagi, dai pa nakukua si Aguinaldo asin dai aram kan agom kun gadan na, tinatago o nagtatago sana.

Alagad, an simbag ni Robredo susog sa napublikar sa parehong peryodiko, higot na nagtaram na mayo siyang pakaaram kan mga alegasyon na ini na isinasahot saiya, o siya an may pakanâ kan pagkawarâ ni Aguinaldo. Sa saiyang eksaktong tinaram, "ridiculous," (maka-urag) an mga "balu'bagi'" na ibinabatikal saiya dawa totoo si Kongresista Luis Villafuerte nagtaram na dapat kantohan na simbagon ni Robredo an mga alegasyon.[4][5]

Nagtapos an artikulo sa siring na paliwanag, " na dapat si Robredo magpakondukta nin seryosong imbestigasyon kan pagkawara ni Aguinaldo bago pa magparararom an pagduda kan mga taga-Naga sa mga dai maipaliwanag na mga pangyayaring ini."[6]

Mga panluwas na takodLiwaton

ToltolanLiwaton

  1. [1] Philstar.com. Sept 20, 2010. Kinua 29-06-13
  2. http://www.lawphil.net/statutes/repacts/ra1960/ra_3019_1960.html
  3. Philstar.com. Op. cit,
  4. http://www.voxbikol.com/article/local-politicians-give-robredo-tough-time-ca
  5. Philstar.com. Op. cit,
  6. Philstar.com. Op. cit,