Si Elvia Ardalani o Elivia Garcia Ardalani (namundag Hunyo 4, 1963, sa Heroica Matamoros Tamaulipas, Mexico), sarong Mehikanong parasurat, paratula asin paraistorya. Siya sarong assistant propessor sa Department of Modern Languages and Literatures kan University of Texas-Pan American, kun sain siya nagtutukdo nin malikhaing pagsurat asin literturang Espanyol.

Elvia Ardalani
Minundagan(1963-06-04)4 Hunyo 1963
Heroica Matamoros Tamaulipas, Mexico
Kasibotanprofessor, writer, poet, and storyteller

Literaturang gibo baguhon

An saiyang inot na libro, ipinublikar kan 1989, igwa nin titulong Por recuerdos viejos, Por esos recuerdos (For Memories of Old, for Those Memories). An libro nominado para sa Premyo Jose Fuentes Mares para sa literatura.

An saiyang panduwang libro, De cruz y media luna, ipinublikar kan Tierra de Libros kan 1996. An tula sa koleksiyon na ini nagrarani sa pagpadangat bilang tema sa paghiling kang transkulturasyon: sa pagitan kan Kristiyano asin Muslim na mundo; sa pagitan kan Hispaniko asin Persiyanong mundo. An mga tula sa koleksiyon na ini nagtutukar man kan maternidad sa laog kan kontekstong erotisismo, sensualidad asin kasaganaan. An poetikong boses naglalatag nin kartograpikong mapa kan paghahalo kan lahi kan aki. An koleksiyon nag-agi nin ikaduwang pagliwat asin nagresulta sa bilingual na edisyon, pinublikar kan by Claves Latinoamericans kan 2006, na igwa nin titulo na: De cruz y media luna/From Cross and Crescent Moon. An ikaduwang edisyon igwa nin mga pagbabago base sa inot na edisyon.

An saiyang ikatolong libro, Y comerás del pan sentado junto al fuego (And You Shall Eat from the Bread While Seated by the Fire), ipinublikar kan Claves Latinoamericans kan 2002 asin saro sa mga importante sa saiyang mga literaturang gibo. An mga tula sa koleksiyon na ini nagbibisita sa tema kan pagpadangat, pero sa librong ini, nakalaog ini sa bibliyang konteksto. An mga kritikal na pag-adal kan gibo ni Ardalani, nagiikot sa proseso kan transkulturasyon, pati sa pagsuri kan referensiyal na lengguwahe kan tula.

An saiyang pang-apat na libro, Miércoles de ceniza (Ash Wednesday), ipinublikar kan Editorial Miguel Ángel Porrúa kan 2007. Base sa preface: ini sarong halabaon na tula na igwa ni 622 na berso, sarong hararom na pagtangis na nagtatao nin dalan sa kakulugan. Ini sinasabing nagkua nin inspirasyon sa bibliya base sa laba kaini asin direksiyon kan tema kan gibo, na nagsasabi na: ini an hararom na kamunduan na namamati kan parasurat sa biglaang pagkagadan kan saiyang ama. Ang mga emosyon nag-uumapaw sa pigura kan saiyang nagadan na ama nailadawan sa iba-ibang panduwang tema: pagbasol, paggirumdom, asin pagnilay-nilay.

Siya nadudugang man sa paagi kan digital na medium, arog kan literaturang journal na El Collar de la Paloma (The Neckring of the Dove), kun sain siya an tagaliwat. An saiyang mga gibo naipublikar na sa iba-ibang mga journal asin antolohiya.


Gawad baguhon

Ibang babasahaon baguhon

  • Ardalani, Elvia. "El agua frente al muro: reflexiones sobre mujer, literatura y frontera". Enhebrando palabras al hilo de la escritura. Ed. Celia Vázquez García. Vigo [España]: Editorial Academia del Hispanismo, 2007. Pág. 29. ISBN 978-84-96915-03-9
  • ---. “Los esbozos psicológicos de Clarín en La Regenta”. A Pilgrimage of Color: 2001 National Conference Literature Monograph Series. Houston: National Association of Hispanic and Latino Studies, 2001. Págs. 185-204.

Toltolan baguhon

  • Ardalani, Elvia. De cruz y media luna. Acassuso [Argentina]: Tierra de Libros, 1996.
  • ---. De cruz y media luna/From Cross and Crescent Moon. Bilingual edition. Trans. Francisco Macías Valdés. Illus. Ismael Aguilar Ruiz. Mexico City: Claves Latinoamericanas, 2006. ISBN 0-9711496-2-3; ISBN 978-0-9711496-2-5
  • ---. Miércoles de ceniza. Mexico City: Editorial Miguel Ángel Porrúa, 2007. ISBN 970-701-965-4; ISBN 978-970-701-965-2
  • ---. Por viejos recuerdos, por esos recuerdos. 1989
  • ---. Y comerás del pan sentado junto al fuego. Mexico City: Claves Latinoamericanas, 2002.

Panluwas na takod baguhon

Social Media baguhon

Press baguhon