Editar Adhiambo Ochieng

Si Editar Adhiambo Ochieng sarong aktibistang Kenyan na nagtutulod kan pagprotekta kan mga karapatan kan babayi asin nagtatabang sa mga biktima kan sekswal na biyolensiya.

Kan 2020, siya nagin enot na nanggana kan Wangari Maathai Award sa Kenya para sa saiyang kontribusyon sa pagpugol sa paglakop kan COVID-19 na pandemya sa mga iskwater kan Kibera.

Biograpiya

Si Ochieng minundag asin nagdakula sa Kibera, saro sa pinakadakulang iskwater sa Nairobi. Siya piglupigan kan siya 6 na anyos palang, asin piglupigan man kang sarong grupo kan siya 16 na anyos, asin an saiyang mga nanlubos pigbalangibog an saindang krimen. Tinukoy niya an mga personal na eksperiyensyang ini bilang normal na biyolensiyang sekswal sa mga kababaihan, asin pinaghuhugutan nin kusog mabuhay asin mga karasonan sa saiyang aktibismo.

Karera

Pinapadalagan ni Ochieng an Feminist for Peace, Human Rights and Justice Centre sa Kibera, kun sain siya man an nagtindog. Siya sarong intersectional feminist, asin an saiyang katuyohan sarong sosyudad na nagtatao nin buong pagpatalubo, proteksiyon, pantay na karapatan, pantay na hustisya asin self-actualization kan mga joven na babayi.

An saiyang organisasyon nagtutulod na magtindog nin liderato sa mga joven na babayi, nagsiserbeng multi-generational networking platform. Pig-aagda niya an mga babayi na taramon an saindang mga istorya, nagpapalakop nin mga kaaraman manungod igdi sa paagi kan pagpublikar kan mga pararehong eksperiyensiya. An saiya man na lugar nagsiserbeng support network kan mga naabusong babayi o mga babayi na naghali sa saindang mapang-abusong mga relasyon. Uyon sa gobyerno kan Kenya, 45% kan babayi asin daraga sa edad na 15-49 nakaka-eksperiyensya nin biyolensyang sekswal. Dakol sa mga kasong ini an dai nai-report asin dikit sana an naka-resibe nin medikal na tugon o hustisya.

Si Editar nagtatao man nin mga produktong sanitary sa mga na-abusong mga babayi, sinusuportahan niya man an United Nations Security Council Resolution 1325 bilang paagi para isali an katoninungan na pambabayi asin mga planong seguridad, nagtutukdo man siya sa mga babayi kan saindang mga konsitusyonal na karapatan. Siya man sarong Toolkit Organiser kan Peace Brigades International Kenya, nakikipagtabangan siya sa ibang tagapagtulod kan karapatang pambabayi sa Nairobi. Saro siya sa 56+ na tawo na inaresto habang nag-aalsa laban sa karahasan kan mga pulis kan Hulyo 7, 2020, hulo sa halos 100 katawo na an nagadan kan mga pulis sa Kenya.

Kan panahon kan COVID-19 pandemya, siya nakipagtabangan sa mga door-to-door services, pag-donar nin kakanon, asin mga reusable masks para sa mga biktima kan biyolensiya asin mga kababaihan sa saindang komunidad, nagtao man siya nin mga impormasyong lokal manungod sa pandemya. Saro siyang panelista sa pantaonan na diskusyon manungod sa karapatang kan mga kababaihan na ginibo kan UN Human Rights Council, sa temang COVID-19 asin karapatan kan mga babayi.. She unsuccessfully vied for parliamentary seat in the Kibra Constituency on the Ukweli party's ticket during the by-election of November 7, 2019, garnering 59 votes out of a total of 41,984 cast.