An Dibisyon kan Camarines Sur nin Departamento kan Edukasyon o DepEd Camarines Sur iyo an panginot na ahensya na namamahala kan sistema nin pundasyon na edukasyon sa probinsya nin Camarines Sur. Si Norma B. Samantela iyo an superintendente kan dibisyon. Sinanglian niya si Loida Nidea.

DepEd Camarines Sur
Logo[1]
Dibisyon overview
HurisdiksyonCamarines Sur
HimpilanSan Jose, Pili, Camarines Sur, Filipinas
Ehekutibong Dibisyon
  • Norma B. Samantela, CESO VI, Superintendente
Websityodepedcamsur.com

Nalilindongan ini kan Rehiyonal na Opisina kan Bikol nin Departamento kan Edukasyon o DepEd Region V sakop an bilog na Rehiyon Bikol. Nababanga an panrehiyon na opisina sa mga dibisyon susog sa mga probinsya asin syudad sa Kabikolan.

Mga distrito nin mga eskwelahan baguhon

An dibisyon igwa nin tulompulo-walong distrito nin mga eskwelahan na nakalakop sa limang lehislatibong distrito kan probinsya:

  • Inot na lehislatibong distrito: Cabusao, Del Gallego, Ragay, Sipocot North, Sipocot South, San Fernando
  • Ika-2ng lehislatibong distrito: Libmanan North, Libmanan South, Milaor-Gainza, Minalabac, Pasacao
  • Ika-3ng lehislatibong distrito: Calabanga, Camaligan, Canaman, Magarao-Bombon, Ocampo, Pili
  • Ika-4 na lehislatibong distrito: Caramoan, Garchitorena, Goa, Lagonoy North, Lagonoy South, Presentacion, Sagñay, San Jose, Tigaon, Tinambac North, Tinambac South, Siruma
  • Ika-5ng lehislatibong distrito: Baao, Balatan, Bato, Buhi, Bula, Nabua East, Nabua West
 
San Juan National High School, sa Libmanan, Camarines Sur

Palarong Bikol baguhon

An Dibisyon kan Camarines Sur iyo an parating may pinakadakol na delegado asin saro sa mga nanginginot na koponan sa Palarong Bikol. Kan 2017 matapos makaguno nin 69 na medalyang bulawan, ini idineklarar bilang kampeon. Sa ginibong taonan na karawat sa Bicol University Sports and Tourism Complex sa Albay, nalamangan sana kan dibisyon nin sarong medalyang bulawan an dating kampeon na Dibisyon kan Syudad nin Naga. Nagin kampeon man an dibisyon kan 2013 asin 2015 dangan ikaduwang lugar kan 2012 asin 2014.[2]

Mga nagin Superintendente baguhon

Nagin superintendente si Jaime Malanyaon sa apat na dibisyon kan Rehiyon Bikol kabali an Dibisyon kan Camarines Sur. Siya sarong edukador, historyador, linggwista, kolumnista asin Bikolista.

Hilnga man baguhon

Toltolan baguhon