Daniel Dingel
Si Daniel Dingel sarong Filipino na inhenyero na soboot nakaimbento nin reaktor hidroheno na nagpapaandar sa sarong awto na tubig sana imbes gasolina o krudo an gamit.
| Daniel Dingel | |
|---|---|
| Kamundagan | Enero 19, 1928 [1] San Fernando, La Union, Islas nin Filipinas |
| Kagadanan | Oktubre 18, 2010 |
| Nasyunalidad | Filipino |
| Trabaho | Imbentor, Inhenyero |
| Midbid bilang | soboot imbentor nin water-fuelled car |
Reaktor hidrohenong awto
baguhonSabi ni Dingel nagpoon an saiyang pag'adal asin pagdiskubre kan reaktor hidrogeno kan 1969 pa asin ta ini iyo na daa an ginagamit niya sa pagpadalagan kan saiyang 1996 Toyota Corolla. An paliwanag ni Dingel an saiyang imbensyon pinoproseso an tubig na nagigin duwang elemento, hidrogeno (HHO) asin oksiheno, an tubig hale sa tanke mismo dara kan auto.[2] saka daa dai naprodyusir nin bugang nin karbon. Pero habo niya man ituga' an sekreto niya kan imbensyon niya..[3] Sa sarong interbyu niya sa Philippine Daily Inquirer, si Dingel nagsabi na tugot siyang ituga' an sekreto kan imbensyon niya basta an mabakal kaini obligado mag'empleo nin 200 na Filipino asin an mga pamilya kaini.[3]
Si Dingel bisto na maribok na kritiko kan mga opisyales sa gobyerno Filipino asin sa mga sayantista na habo magsuporta sa saiyang imbensyon,[4] arog kan mga yaon sa Department of Science and Technology, alagad an mga ini nagdeklara na an saiyang imbensyon sarong peke [3][5]
Pagpuhunan kan Formosa Plastics Group asin kasong estafa
baguhonKan Nobyembre 2000, an sarong Tsinong Taiwanes, kaggrogaring kan Formosa Plastics Group (FPG) pighanap si Dingel asin kumbinsido na an imbensyon tunay, nakipagpirmahan sa sarong "preliminaryong pag'oroyon" ki Dingel sa magkapirang proyekto.[3] si Dingel pinagmarhay na magkuang mga kabakas sa negosyo asin makakua nin "international patent" asin makomersyo an teknolohiya.[4]
Kan Desyembre 2008, si Dingel mas napatos sa kontrobersya kan siya nadeterminaran na guilty asin nasentensyahan sa maximo 20ng taon na pagkapreso sa sarong kasong Estafa (swindling) pigsangat ni Young asin kan saiyang kompanya, an FPG. Sa sarong desisyon petsado Des. 9, 2008, si Judge Rolando How kan Branch 257, Regional Trial Court, Siyudad nin Parañaque na-isi nanggad na si Dingel totoong naghagad nin $410,000 sa FPG, na huli kaini, an Korte nagsabi na si Dingel "defrauded Young when the inventor failed to fulfill his obligation of developing his “hydrogen reactor” and creating experimental cars in 2000." [3][6]
An sumbong ni Young si Dingel daa nagpirma sa sarong joint venture agreement sa FPG, asin enot na nagresibi nin $30,000 bilang goodwill money asin $20,000 para sa research asin development. Sabi pa ni Young si Dingel nagbisita sa opisina kan FPG sa Taipei asin naghahagad kuta' nin $300,000 ta mabakal daa siya nin tolong auto na magamit niya bilang prototype sa pagbalik niya sa Filipinas. Dagdag pa ni Young na kan Septyembre 2001 nagpadara pa siya nin otro $60,000 bilang dugang na pondo, susog sa pinagkasundoan.[3]
An dating Philippine Solicitor General na si Frank Chavez, na iyo an abogadong kinua ni Dingel magrepresentar asin magsurog saiya, nagtaram na i-aapelar an kaso bago ini magin pinal sa bisperas kan Pasko 2008[3]
Si Dingel nagadan kan Oktobre 18, 2010 sa Siyudad nin Las Pinas, Metro Manila, sa Filipinas.[7]
Toltolan
baguhon- ↑ "Hydrogen Fuel Car, Hydrogen Fuel Engine, Water Car - Daniel Dingle Foundation". www.dinglefoundation.com. Archived from the original on 2019-08-07. Retrieved 2016-08-14.
- ↑ Williams, Norman. "On demand system for using water (HHO) as a sole fuel". USPTO. Retrieved 13 December 2011.
- ↑ 3.0 3.1 3.2 3.3 3.4 3.5 3.6 Lopez, Allison (December 20, 2008), "Inventor, 82, gets 20 years for 'estafa'", Philippine Daily Inquirer, archived from the original on December 26, 2008
- ↑ 4.0 4.1 Alarilla, Joey G. (August 12, 1999), "Maker of water-powered car still fighting after 30 years", Philippine Daily Inquirer, pp. Motoring Section, archived from the original on March 16, 2018, retrieved March 30, 2018
- ↑ C. Bautista, Jaye (27 July 2011). "Filipinos -- A technological, wonderful bunch?". Manila Bulletin. http://www.mb.com.ph/node/328361/filipino. Retrieved on 13 December 2011.
- ↑ https://web.archive.org/web/20081226045539/http://newsinfo.inquirer.net/inquirerheadlines/nation/view/20081220-179008/Inventor-82-gets-20-years-for-estafa.Kinua 2024-09.10.
- ↑ Aldred, Peter. "The Dingel Foundation". Ethos World News. Archived from the original on 7 August 2019. Retrieved 22 October 2012.
Mga panluwas na takod
baguhon- United States Patent Application Number US20040202905A1. [1]
Basaha man
baguhon- Stanley Meyer's water fuel cell. [2]
- ↑ https://patents.google.com/patent/US20040202905A1/en. Kinua 2022-08-09.
- ↑ https://en.wikipedia.org/wiki/Stanley_Meyer%27s_water_fuel_cell.Kinua 2022-08-09.
