Crystal hana Kim

Si Crystal Hana Kim (namundag kan taong 1987) sarong Amerikanong parasurat. An saro asin enot na saiyang nobela na may titulong, "If you Leave me", pinagngaranan bilang sarong pinakamagayon na libro kan taong 2018 base sa The Washington Post, ALA Booklist, Literary Hub, Cosmopolitan, asin iba pa. Si Kim pinangaranan bilang National Book Foundation's 5 Under 35 honoree kan taon nin 2022.

Buhay

Si Kim natawo sa Queens, New York, kan taong 1987. An mga magurang ni Kim nag-imigrar gikan sa Timog Korea, asin siya nagdakula na minsan na nagbibisita sa Timog Korea kada bakasyon.

Igwa siya nin BA asin MFA siya gikan sa Columbia University asin MSEd gikan sa Hunter College. Siya sarong alumna kan Teach For America asin nagtudtud na siya sa elementarya, sekundarya, asin kolehiyong pagsurat. Nag-istar na siya sa Chicago, asin sa ngonyan siya nakaistar sa Brooklyn, New York kaibahan an saiyang agom asin lalaking aki.

Dakulang kina-kadaklan an relasyon ni Kim sa saiyang lola habang nagdakula siya, kun kaya an mga istorya kaini iyo an nag-inspirar sa saiyang pagsusurat. Sa sarong interview niya sa The Common, si Kim suminabi na, "Sa pagdakula, nasunuan ko an pag-adalan an buhay kan sakuyang mga magurang asin an sakuyang lolo asin lola sa Korea. Ako iyo an partikular na harani sa sakuyang lola sa ina, na nagtabang sa pagpadakula sako kan ako aki pa. An saiyang mga istorya na pagiging sarong tinedyer na migrante durante sa giyera sa Korea— an pagsakit, an kawarang-kasiguraduhan kan buhay, an mga pader na itinatao sa mga babai— sakuyang nadara.

"If You Leave Me"

Si Kim nagpoon na magtrabaho sa mga karakter para sa saiyang enot na libro durante sa saiyang MFA program sa Columbia University. "Sa enot, paghuna ko nag susurat ako nin mga magkapiluwasang halipot na istorya na mahaloy sa laog ning tulong henerasyon, pero sa sakong huring semestre, an sakuyang maestro nag pabakod sako na dapat magsurat ako nin nobela manungod sa enot na henerasyon. Sobrang nalilipay ako na sinusunod ko an saiyang tataramon!", an sabi ni Kim sa The Rumpus.

Ang "If You Leave Me" naipublikar kan William Morrow, sarong kompanya na nag iimprinta gikan kan HarperCollins, bulan nin Agosto taong 2018. Itinakda sa Korea durante sa dekada 1950s asin '60s, ini inapod na "sarong halawig, sarong makadadarang istorya nin gera, pagkamoot, asin mga regalo asin pagkakasaro kan pamilya", hale sa Literatura nin Electrika. Inapod ini kan People magazine na "sarong makalilibog, nakakalibog sa kasing kasing na istorya mahitungod sa gera, pasyon, asin an agihan na dai tinahak.” Sabi kan ELLE Magazine, "Habang ini naglalakaw sa pagitan kan mga dekada durante asin pagkatapos kan Giyera kan Korea para ipaabot an mga nakakalibog sa kasingkasing na desisyon na pinipirit kan gera sa haros gabos na tawo na gibuhon, an karahayan kan If You Leave Me ini maipapahiling saimo na mag-isip mahitungod sa paglipas kan panahon asin an epekto kaini sa mga relasyon na satong minimintini". Sabi kan The Rumpus, "An kagayunan ni Kim sa detalye dinadara an isip kan mga nagbabarasa sa Korea (1951–1967), asin an saiyang dedikasyon sa perspektiba nagreresulta sa sarong mayamang poliponiya asin nakakalibog sa kasingkasing na eksperyensya."

Saro sa saiyang pinaka enot na karakter, si Haemi, sabi ni Kim:

  "Importante na isurat ta an mga babae na may kumplikadong personalidad asin tunay na pagkatao, huli ta iyan an mga babae na kita man. Lalo na sa satong kasalukuyang politikal na estado, an mga babae ginigiboan nin mga pagtaram na simpleng-simpleng, asin an trope sa literatura na "mga babae na dai gusto" iyo na sobrang katakot-takot, huli ta dai man kita kaipohan gustohon kan iba, lalo na ngonian. Kaipohan ta an mga tawo na makahiling sa sato bilang mga tawong may kumplikadong karakter asin may hurnong na kahulugan. Kaya talaga, gusto ko isurat si Haemi bilang sarong tawong maraotunong maiintindihan nin marhay kan mambabasa asin gusto niyang suportahan, pero igwa man nin mga pagtaraman, pareho kan pagtaram mo sa sarong kabarkada—maiintindihan mo kun saen sinda nagmumukna, maski dai ka magkasabot sa gabos na desisyon na gibuhon ninda."

Sa sarong interbyu ni Naima Coster sa Literatura nin Electrika, na siyang nagkaigwa nin Columbia MFA program kaibahan si Kim, siya nagsabi na, "Bilang sarong parasurat, an sakuyang layon iyo na masungkit an pag-iisip kan mga karakter ko, dai na gamiton sinda bilang mga sakayan para ipahayag an sarong idealisadong bersyon kan 'perpektong Koreano".