Cristina Pantoja Hidalgo
Si Cristina Pantoja-Hidalgo (namundag Cristina Pantoja kan 21 Agosto 1944) sarong Filipinang piksyonista, kritiko asin pangenot na parasurat nin creative non-fiction. Sa presente, siya iyo an Propesor Emeritus kan English & Comparative Literature sa Unibersidad kan Pilipinas Diliman asin Direktor kan Unibersidad kan Santo Tomas (UST) Center for Creative Writing and Literary Studies.
Karera sa Akademya baguhon
Si Pantoja-Hilgo sarong high school valedictorian kan St. Paul College Quezon. Naresibi niya an magna cum laude sa parehas na kurso sa Bachelor of Philosophy (Faculty of Philosophy and Letters) (1964) asin sa MA in Literature (1967), meritissimus, hali sa Unibersidad kan Santo Tomas. nakaresibi siya nin PhD sa Comparative Literature hali sa Unibersidad kan Pilipinas Diliman kan 1993. Siya myembro kan Philippine Literary Arts Council (PLAC).
Dati siya nagserbing Bise Presidente para sa Public Affairs kan Unibersidad kan Pilipinas System, Direktor kan Unibersidad kan Pilipinas Press asin coordinator kan Creative Writing Program sa Department of English asin Comparative Literature kan Unibersidad kan Pilipinas Diliman. Sa UST, kinaptan ni Pantoja-Hidalgo an pagigin UST Publishing House Director.
Bago asin pakatapos kan saiyang kinseng taon sa ibang nasyon, si Hidalgo nagin paratukdo nguna sa Unibersidad kan Santo Tomas dangan sa Unibersidad kan Pilipinas. Matapos an saiyang doktoral sa Comparative Literature, si Hidalgo nakahanap nin dakol na panahon sa pagbasa nin Literary Theory siring man ipigpraktis an mga ini sa saiyang sadiring mga gibo. Sinabi ni Hidalgo na dai man lamang siya kinonsiderar na kritiko sa literaryo, alagad siring man sana, nakakua siya nin kapakipakinabang na matipon an lima sa mga kritikal na komposisyon niya sa A Gentle Subversion: Mga Osipon dapit sa Philippine Fiction sa Ingles (1998).
