Coraline (pelikula)

An Coraline sarong Amerikanong stop motion animated dark fantasy horror film na nagluwas kan 2009, na sinurat asin tinokda ni Henry Selick, base sa nobela ni Neil Gaiman sa kaparehas na ngaran. Tiglukma ni Laika, bilang pinaka-inot na tampok na pelikula kan studio, pigtatampok kaini an mga talento sa boses na sina Dakota Fanning, Teri Hatcher, Jennifer Saunders, Dawn French, Keith David, John Hodgman, Robert Bailey Jr., and Ian McShane.An musical score na komposisyon ni Bruno Coulais. An pelikula nagsasaysay kan istorya dapit sa sarong karakter kun sain pinangaran an pelikula, na nakakadiskobre nin sarong idealized alternate universe sa likod nin sikretong pinto sa bago niyang harong, na dai nya aram na igwa iyan nin bagay na madiklom asin maraot. Saiyang mga katood, sarong lalaki na si Wybie asin sarong itom na ikos, tinatabangan siyang itanos an mga bagay-bagay asin magin mas dayupot sa saiyang mga magurang.

Sa pagkatapos ni Gaiman sa paggibo kan saiyang nobela kan 2002, nabisto niya si Selick asin inagda siyang maggibo nin pelikula, ta si Gaiman sarong tagahanga kan ibang mga proyekto ni Selik, an The Nightmare Before Christmas (1993) sagkod James and the Giant Peach (1996). Nag-isip si Selick na an sarong direktang pagbabaybay maresulta sa "baad 47-minuto na pelikula", nagkaigwa nin pirang mga pagpahiwas, arog kan pagkakabisto ki Wybie, na mayo man sa orihinal na nobela. Si Selick, naghahanap nin disenyo na harayo sa kadakli na animasyon, na-diskubre an gibo kan Hapon na ilustrador na si Tadahiro Uesigi, asin pig-imbitar siya na maging artista sa konsepto. An pinakadakulang impluwensiya niya yaon sa paleta kan kolor, na pu'saw sa tunay na kinaban asin mas makolor sa Iba pang Kinaban, kaarog kan The Wizard of Oz (1939). Para madakop an stereoscopy para sa pagluwas sa 3D, kinua kan mga animator an kada kuadro sa duwang magkaibang puesto nin kamera na kadikit lang ang rayo. An paggibo kan tampok na stop-motion animation ay nangyari sa sarong bodega sa Hillsboro, Oregon (harani sa Portland)