Computer Science High School of Bicolandia

An Computer Science High School of Bicolandia (CSHSB) sarong eskwelahan pansekundarya para sa pang-impormasyon asin pangkomunikasyon teknolohikal (ICT) na mahihiling sa kapitolyo-banwaan kan Pili, Camarines Sur. Ini sarong pampublikong institusyon na may espesyal na kurikulum na ICT. Nagligad ining nag-operar sa pangangataman kan Central Bicol State University of Agriculture.

CSHSB Main Building

UusiponLiwaton

Namokna an Computer Science High School of Bicolandia kan taon 2008 sa bisa kan R.A. 10284 sa Kongreso kan Filipinas.[1] An nagligad kaning pangaran iyo an Bicolandia ICT-Oriented High School asin pag-abot kan pirang bulan puon kan pagkamokna kan eskwelahan tulos man pigribayan an pangaran gamit an presenteng ngaran kaini.

Si dating Kongresman kan Ika-tulong Distrito kan Camarines Sur na si Luis R. Villafuerte an binibistadong ama kan eskwelahan. Ini nagibo sa pakikipag-tabangan niya sa pinaka-enot na presidente kan Central Bicol State University of Agriculture bilang unibersidad na si Atty. Marito T. Bernales.[2]

Nasa kapot kan unibersidad an eskwelahan sa laog kan pitong taon hasta linipat ini sa pangangataman nin Departamento kan Edukasyon. Sa taon nin 2012, nakagradwar an enot kaining mga estudyante.

KurikulumLiwaton

Igwang kurikulum na ICT an eskwelahan kun sain pigtutukdo an Computer Programming, Computer Animation, Computer Networking, Computer Troubleshooting, Web Development, asin iba pang manunudan sa kompyuter. May duwang air-conditioned na laboratoryo an eskwelahan kun sain may 1:1 na student-computer ratio ini.

Maliban sa mga normal na asignatura arug kan English, Math, Science, Filipino, Social Studies, Values Education, asin MAPEH(Music, Arts, Physical Education and Health), manunudan man an Technical Writing, Statistics, asin halangkaw na katukduan sa Math asin Science.

Pig-eengayo man digdi an iba pang kakayahan arug kan pagluto, pagkanta, pagbayle, isports, asin iba pa.

Mga panluwas na takodLiwaton

ToltolanLiwaton

  1. https://thecorpusjuris.com/legislative/republic-acts/ra-no-10284.php
  2. http://cshsb.blogspot.com/2014/01/computer-science-high-school-of.html