Clara Schumann

Si Clara Schumann (née Clara Josephine Wieck; 13 Septyembre 1819 – 20 Mayo 1896) sarong pyanistang Aleman, kompositor asin maestra sa piyano. Siya an konsideradong pinakalataw na pyanista sa Romantikong peryodo. An saiyang impluwensya nag'ayaw sa lawig kan 61 taon na karera sa konsyerto, na naghira kan format asin repertoire kan piano recital asin an pang-namit sa siring na arte kan mga paradangog. An saiyang agom iyo si Robert Schumann, saro man na kompositor. Sinasabi na sindang duwa iyo an nagpakusog-boot ki Johannes Brahms na magpasige kan saiyang karera sa musika. Mala ta si Clara Schumann iyo an enot na napatogtog sa mga konsyerto kan anoman na obra ni Brahms. Siya an nagpabistong gayo kan magkapirang pyesa ni Brahms, orog na an Variations and Fugue on a Theme by Handel.

Clara Schumann
Schumann kan 1838, ni Franz von Lenbach
Kamundagan	Clara Josephine Wieck (1819-09-13)13 Septyembre 1819 Leipzig, Kingdom of Saxony, German Confederation
Kagadanan	20 Mayo 1896(1896-05-20) (edad 76) Frankfurt, Imperyong AlemanGerman
Trabaho	Pianist Composer Piano teacher
Organisasyon	Dr. Hoch's Konservatorium
Mga aki	8; kaiba si Eugenie
Lagda

Siya nagkompos nin mga solong piyesa sa piyano, piyano concerto, (her Op. 7), chamber music, mga choral pieces, asin mga kanta.

Pamilya

Nagdakula sa Leipzig, kun saen an ama niya si Friedrich Wieck, piyanista asin maestro, asin an ina niya si Mariane, piyanista, parakanta saka maestra sa piyano. Sinasabing sarong sobrang matalentong aki, siya pinagtukdoan kan saiyang ama. Sa edad na onse anyos, nagpoon na siyang maglibot asin nakaabot na sa Paris asin Vienna, asin iba pang mga siyudad kun saen hustong may eksito an saiyang mga lakaw. Saiyang naagom an kompositor na si Robert Schumann. An mag'agom may walong aki. Sinasabi na sindang duwa iyo an nagpakusog-boot ki Johannes Brahms na mag-igot sa saiyang karera sa musika. Mala ta si Clara Schumann iyo an enot na napatogtog sa mga konsyerto kan anoman na obra ni Brahms. Siya an nagpabistong gayo kan magkapirang pyesa ni Brahms, orog na an Variations and Fugue on a Theme by Handel.

Galeriya

• 
  Pamilya kan mga Schumann(1853/1854)
• 
  Si Clara Schumann
• 
  Si Clara Schumann (1890)
• 
  Clara asin Robert Schumann (1906)