Chiara Sacchi
Si Chiara Sacchi (namundag kan 2002) sarong aktibista sa klima sa Argentina na taga Buenos Aires. [1]
Personal na buhay
baguhonSi Chiara Sacchi namundag asin nagdakula sa Haedo, Buenos Aires, asin nag'adal sa Elmina Paz de Gallo, sa El Palomar.[2] Oyon sa interbio ni Slow Food, nagdakula si Sacchi sa mga kamugtakan sa pamilya kun saen pirme siang nahahadit na marhay manongod sa tamang pagkakan, asin iyan an dahelan kun taano ta an dakol sa saiyang mga ginibo bilang aktibista sa klima nakasentro sa isyung ini.[3] Idinoon man niya sa manlaenlaen na pahayag asin interbio na sinadol siyang humiro para sa pagbabago sa klima mantang siya natatakot sa biglang mga pagbabago ning temperatura sa saiyang dagang tinuboan.[4]
Actibismo
baguhonSi Chiara Sacchi kabtang kan makasaysayan na "Children vs.Climate Crisis" mobimiento , kaiba si Greta Thunberg asin 16 pang hoben na aktibista.[5][6] Ini inisyatiba na naghagad sa Komite kan United Nation nag nagsisibing karapatan,na magkapot kan Argentina, Brazil, Pransia, Germany asin Turkiya nin paninimbagan sa saindang mga aksion sa ibong kan krisis sa klima.[7] An petisyonng ini iyo an enot na pormal na reklamo na isinangat nin sarong grupo nin mga aki sa irarom kan edad na 18 manongod sa pagbabago sa klima sa irarom kan United Nations Convention on the Rights of the Child.
Si Sacchi nagpartisipar na bilang sarong militanteng aktibista sa Slow Food Argentina network, sarong grupo na pangkinaban na nagtatrabaho para sa proteksyon kan biodibersidad asin maray, malinig, asin masisiram na kakanon. Mapadapit sa aktibismo na konektado sa tamang pagkakan, nakikabtang man siya sa Terra Madre Sadone del Gusto asin sa mga aktibidad kan La Comunidad Cocina Soberana de Buenos Aires, sarong maluway na komunidad sa pagkakan sa Buenos Aires.[8] Sia prangkang nagtaram manongod sa soberaniya nin kakanon.
Pinapalakop ko an mga prinsipyo sa Slow Food huling naniniwala ako na may iba pang paagi nin paggibo nin kakanon, mga dai man nakakaraot sa naturalesa asin sa mga tawo...Bako sanang mga gobyerno na dai nag - aasikaso sa paghirahay asin prebension kan mga danyos na bunga kan sistema nin kakanon, tinotogotan ninda an mga patok na padagos na maghugpa sa satong mga plato.[3]
Si Sacchi saro man na maigot na parasuportar sa iribang paghiro:
An gabos na dakulang pagbabago hale sa mga tawo, hale sa mga tawo. Kun nakikipag - olay ako manongod sa pagduman sa mga tinampo, pinag - oolayan ko an dapit sa paggibo nin iribang kosog.[3]
Midbid sa saiyang sarabihon na "Ibalik Mo Kami sa Samong Ngapit," an Sacchi kabtang nin nagdadakulang mobimiento nin mga hoben na nagpapalakop nin pagkapantaypantay sa klima pag - abot nin panahon.
Mga Tultolan
baguhon- ↑ "#ChildrenVsClimateCrisis". Retrieved 2020-11-15.
- ↑ "Chiara Sacchi: la joven de Haedo es una de las principales activistas argentinas que lucha para frenar el cambio climático" (in Spanish). 2019-10-17.
- ↑ 3.0 3.1 3.2 ""Give Us Back Our Future." Chiara Sacchi, Slow Food Activist with Greta to the UN" (in English). 2019-09-25.
- ↑ "Las Greta Thunberg latinas que luchan contra el cambio climático (¿Y conoces alguna otra?)" (in es). https://www.bbc.com/mundo/noticias-49855318.
- ↑ "Chiara Sacchi". Archived from the original on 2021-11-28. Retrieved 2020-11-15.
- ↑ "Why Chiara Sacchi Filed a Landmark Climate Complaint Against Five Countries—Including Her Own". Archived from the original on 2021-05-15. Retrieved 2020-11-15.
- ↑ "Buenos Aires Times | Chiara-sacchi". Retrieved 2020-11-15.
- ↑ Food, Slow (2019-09-25). ""Give Us Back Our Future." Chiara Sacchi, Slow Food Activist with Greta to the UN" (in English). Archived from the original on 2020-11-21. Retrieved 2021-05-08.