Chi Cheng (atleta)
Si Chi Cheng (pinangaki kan Marso 15, 1944 sa Hsinchu, Japanese Taiwan), sarong Taiwanese na atleta sa track and field. Olympic medalist sya kan taon 1968 asin pig-ngaranan man bilang Associated Press Athlete of the Year kan taon 1970. Dati syang pentathlete na nagin sprinter.
Biograpiya baguhon
Nag-adal nin kolehiyo si Chi sa California State Polytechnic University, Pomona (Cal Poly Pomona) sa Pomona, California kun sain digdi nya naresibe an kadakli sa saiyang pag-ensayo bilang atleta.[1] Bilang sarong estudyante igdi, ginana nya an apat na U.S. national championships, asin haros duwang peryodo man na kapangganahan sa 153 kan 154 na mga pigbaralihan nya. Mantang representante kan Republika kan Tsina, nagdalagan sya para sa 1960 asin 1964 Olympics, asin guminana man nin bronseng medalyo sa 80-meter hurdles kan 1968 Summer Olympics asin nag-ikapito sa 100 metre final. Kan taon 1969, nalampasan nya an tulong world records. Kan 1970, nalampasan nya o napantadan an limang world record, nagibo an tulo igdi sa laog sana nin sarong semana. Sya man an primerong babayi na nagdalagan nin 10.0 sanang segundo sa 100 na yarda. Dinalagan nya man sa laog nin 11.0 an 100 metres, 22.4 para sa 200 metres, 22.6 para sa 220 na yarda, asin man 12.8 para sa 100 metre hurdles. Ginana nya man an bulawan na medalya para sa 100 metres sa Asian Games duman sa Bangkok sa sarong games record time. Mantang nanginginutan sa 400 metres as Asian Games, nagsapo sya nin pulikat sa tabay pag abot sa ika 300 metres, na iyo naman an nagtapos sa saiyang karera. Sya an nasa primero sa intirong kinaban sa 100 metres asin 200 metres, panduwa sa 400 metres asin pantulo sa 100 metres kan 1970 asin dai lamang nin kadaugan sa 69 na mga karera kan season na idto. Huli sa saiyang mga nakaabtan, pigngaranan si Cheng bilang Associated Press Athlete of the Year. Dugang pa kaini, nagi man syang Director of Women's Athletics sa University of Redlands, California, poon 1974 hasta 1976.
Si Chi sarong naturalised na U.S. citizen, alagad sya nagbwelta man sana pasiring sa Taiwan.[2] Nailaag sya sa pwesto bilang Secretary-General of the Republic of China Track and Field Association kan taon 1977. Nagi man syang Chairman hasta 1993 asin man Board Member poon 1998 hasta 1999. Naggana man si Chi nin tulong termino bilang miyembro kan Legislative Yuan, nagserbe igdi magpoon 1981 hasta 1989. Pigtawan man syang pwesto bilang National Policy Advisor ni Presidente Ma Ying-jeoy kan 2009, kun sain kaipuhan nyang talikudan an saiyang U.S. Citizenship para makua an pwestong idto.[3] An nagsunod ki Ma na si Tsai lng-wen, kinua man giraray si Chi bilang advisor. Pigsabi ni Chi kan 2018 na an mga Taiwanese kaipuhan na tugutan na magboto para sa ngaran sa kun sain an mga Taiwanese na atleta na malaban sa 2020 Summer Olympics asin iba pang paabot na mga sports events, bilang Taiwanese na mga ipinapadara bilang delegado sa Olympics magpoon pa kan 1984 sa Chinese Taipei.[4][5]