Charlie Chaplin
Si Sir Charles Spencer Chaplin KBE (16 Abril 1889 – 25 Desyembre 1977) sarong Ingles na komedyanteng aktor, paragibong perlikula, asin kompositor. na nagin bantogan kan panahon nin daing-boses na pelikula. Siya nagin icon sa bilog na kinaban huli sa saiyang rersona sa pelikula, the Tramp, asin siya konsideradong saro sa matagom na pigura sa industriya nin pelikula. An karera niya naglawig nin 75 taon, poon pagkaaki sa Victorian era sagkod sa taon bago siya nagadan kan 1977, asin ini karerang may kontrobersya asin umaw.
| Sir Charlie Chaplin KBE | |
|---|---|
 Chaplin kan kapinonan nin dekada 1920 | |
| Kamundagan | Charles Spencer Chaplin 16 Abril 1889 London, England |
| Kagadanan | 25 Desyembre 1977 (edad 88) Corsier-sur-Vevey, Switzerland |
| Trabaho |
|
| Mga taon na aktibo | 1899–1975 |
| Mga aki | 11, including Charles, Sydney, Geraldine, Michael, Josephine, Victoria, Eugene and Christopher |
| Mga magurang | Charles Chaplin Sr. Hannah Hill |
| Sadiring-tao | Chaplin family |
| Lagda |  |
| Websityo | |
| charliechaplin | |
An pagkaaki ni Chaplin sa London grabeng pagtios. An saiyang ama dai na nagpahiling asin saiyang ina makuri an katikapohan mala ta si Chaplin duwang beses pinaestar sa 'workhorse' (harong nin mga alagang pobre kan gobyerno) kan siya dai pa ngani naedad 9. Kan siya edad 14, an saiyang ina nakonkon sa ospital mental. Si Chaplin nagbida na komo aktor sa amay pang edad, na siya naglilibot sa mga music hall dangan aktor sa entablado asin komedyante. Sa edad na 19, siya nakontrata sa kompanyang Fred Karmo, na iyo an nagdara saiya sa Amerika. Siya naalok magtrabaho sa industriya nin pelikula, mala ta siya nakua kan 1914 magtrabaho sa Keystone Studios. Igdi siya nailawan na husto aisn nagkaigwang mga parasunod sa saiya bilang sa persona na Tramp. Pigdidirihe na niya sadiring mga pelikula asin dagos pinapakarhay niyang gayo an talento niya sa industriya kan siya nagbalyo na sa mga korporasyon na Essanay, Mutual, asin First National. Kan 1918, siya saro nang bantogan asin lataw na pigura sa kinaban sa industriya nin pelikula.
Kan 1919, si Chaplin katuwang-tinugdas an kompanyang distribusyon United Artists, na nagtao saiya nin total na kontrol sa saiyang mga pelikula. An enot niyang tampok na pelikula iyo an The Kid (1921), na nasundan kan A Woman of Paris (1923), The Gold Rush (1925), asin The Circus (1928). Enot habo siya kuta magbalyo sa mayo-boses na pelikula kan mga 1930 na mayong dialogue arog kan City Lights (1931) asin Modern Times (1936). An enot niyang may-boses na pelikulsa iyo anThe Great Dictator (1940), na pigsudo-sudo si Adolf Hitler. An mga taon 1940 pano nin kontrobersya sa buhay niya asin saiyang popularidad nagbaba. Siya nasahotan na taga-ampoyon sa mga komunista, asin an mga myembro sa prensa asin kan publiko naiskandalong gayo kan kaso nin paternidad asin mga kasal sa mas mga hubin na babae. Sarong FBI na imbestigasyon binuksan asin si Chaplin napiritan maghale asin mag'estar sa Switzerland. Saiya nang inabandonar an persona niya bilang Tramp sa surunod na mga pelikula na kabarali diyan an Monsieur Verdoux (1947), Limelight (1952), A King in New York (1957), asin A Countess from Hong Kong (1967).
Si Chaplin sinurat, pigdirihe, pigprodyusir, pig'editar, nagbida, asin pigkompos an musika sa kadaklan kan mga pelikula niya. Siya perfectionista asin huli ta makwarta mayong problema an pirang taon na pagbilog kan mga minumukna niyang mga pelikula. An saiyang mga pelikula linaladawan an masuba, makalwagon na istorya na may bangot nin kamundoan gibo kan pagtios sa buhay nin sarong tawo. Kadaklan na pelikula niya may temang sosyal asin politikal asin kadugang pa an istorya ginuno sa buhay niya. Siya nakaresibe kan Honorary Academy Award kan 1972 para sa "dai- masukol na epekto kan saiyang mga naginibo sa pagtaas kan motion picture as sarong porma nin arte sa presenteng siglo", bilang parte kan bagong apresasyon kan saiyang mga trabaho. Siya dagos na hinihiling sa halangkaw na trato, asin saiyang mga pelikulang The Gold Rush, City Lights, Modern Times, asin The Great Dictator parati rinaranggo sa mga lista nin pinakamahuhusay na mga pelikula.
