Charles Lindbergh
Si Charles Augustus Lindbergh (Pebrero 4, 1902 – Agosto 26, 1974) sarong Amerikanong abyador, opisyal militar, autor, imbentor, eksplorador, asin aktibista sa kapalibotan. Sa edad na 25, siya na saro sanang ordinaryong piloto na parahatod surat sa koreo, asin dai lamang kaborobisto, biglang nagin bantog sa bilog na kinaban kan ginana an Orteig Prize: sa paagi pagpalayog nin eroplano haleng Roosevelt Field, Long Island, New York, pasiring Paris, Pransya. Si Lindbergh nakaya an paglayog kan distansyang 33 1⁄2-na-oras, 3,600-na-milya (5,800 km), nin solo gamit an solong-makinang eroplano na sinadyang ginibo sa Ryan Airline Company, na sarong monoplano, binansagan na Spirit of St. Louis.
| Charles Lindbergh | |
|---|---|
 Retrato ni Harris & Ewing | |
| Kamundagan | Charles Augustus Lindbergh Pebrero 4, 1902 Detroit, Michigan, E.U. |
| Kagadanan | Agosto 26, 1974 (edad 72) Kipahulu, Maui, Hawaii, U.S. |
Lulubngan | Palapala Ho'omau Church, Kipahulu, Maui, Hawaii |
| Nasyunalidad | Amerikano |
| Edukasyon | Sidwell Friends School Redondo Union High School Little Falls High School University of Wisconsin–Madison (dai nakagradwar) |
| Trabaho | Abyador, autor, imbentor, eksplorador, aktibista |
| Midbid bilang | Enot na solong paglupad translantiko (1927) |
| Dinakulaan | Detroit |
| Agom | Anne Morrow Lindbergh (1929–1974) (kagadanan niya) |
| Mga aki | With Anne Morrow Lindbergh: Charles Augustus Lindbergh Jr. Jon Lindbergh Land Morrow Lindbergh Anne Spencer Lindbergh (Perrin) Scott Lindbergh Reeve Lindbergh (Brown) With Brigitte Hesshaimer: Dyrk Hesshaimer Astrid Hesshaimer Bouteuil David Hesshaimer With Marietta Hesshaimer: Vago Hesshaimer Christoph Hesshaimer. With Valeska (apelyido dai aram): sarong aking lalake (pangaran dai isi) aking babae (pangaran dai isi) |
| Mga magurang | Charles August Lindbergh Evangeline Lodge Land Lindbergh |
| Military career | |
| Alyansa |  United States of America |
| Serbisyo/ | .svg){kind=small} United States Army Air Corps United States Army Air Forces United States Air Force |
| Taon kan Serbisyo | 1925–1941, 1954–1974 |
| Ranggo |  Brigadier General |
| Mga Onra | Medal of Honor (1927) Distinguished Flying Cross (1927) Congressional Gold Medal (1928) |
| Signatura |  |
An pagpalayog ni Lindbergh bako man pinakaenot na translantikong palupad; an Curtiss NC-4 nakagibo na nin siring[1] ta ini naglayog haleng Rockaway, New York abot Lisbon, Portugal kan Mayo 27,1919.[2] Alagad, an pagpalayog ni Lindbergh, pinakaenot na solo, daing-ontok (translantiko), asin bagay na ginibo sa pag'ultan nin duwang mayor na siyudad, na nagibo nin sarong pilotong dai pa naedad 25 anyos. Dugang pa, an pinagbyaheng palupad haros doble sa distansya kan enot na translantikong pagpalayog. Si Lindbergh sarong opisyal militar sa U.S. Army Air Corps Reserve. Huli kan naginibohan niyang ini, siya ginawadan kan pinakahalangkaw na dekorasyon militar kan Estados Unidos, an Medal of Honor, asin dangan kaini, nagawadan siyang mga onra asin dekorasyon hale sa iba pang mga nasyon. An naginibo ni Lindbergh nagpukaw na gayo kan interes sa komersyal na biyahe asin paghatod nin surat-koreo paaging eroplano.
Pagdukot sa aki
baguhon
An historikong pagpalayog asin celebrity'ing status ni Lindburgh makamuru-mundo ta nagpasiring sa sarong trahedya: an saiyang aking junior kan Marso 1932 dinukot asin padagos na ginadan, bagay na nabalangibog sa Medya Amerika komo sarong "Krimen kan Siglo". Mala ta ipigladawan ni H. L. Mencken bilang "pinakadakulang istorya poon kan Pagkabuhay-liwat ni Hesus.[3] An kasong ini nagtulod sa Kongreso kan Estados Unidos na muknaon an Akta Federal Dapit sa Kidnapping kun saen ginibo nang krimen federal basta an kidnapper nagbaktas sa pagdolonan kan duwang estado dara an saiyang biktima. Huli kan kariribokan bunga kan pangyaring ini, nagtolod sa pamilya Lindbergh kan patapos na an 1935 na magdurulag asin magtago na ngona sa Europa; pakalihis apat na taon 1939, buminalik sindang Amerika.
Kan an Amerika matapsok sa Ikaduwang Gerang Pankinaban si Lindbergh sa enot habo niyang madamay an Estados Unidos sa gera[4] , sarong akto na kinondenar siya ni Presidente Franklin Roosevelt. Alagad, kan binomba kan mga Hapon an Pearl Harbor, si Lindbergh maigot nang nag'ampoyon sa pakigera na kan Amerika asin nagdamay sa mga operasyon militar bilang consultant na sibilyan sa Teatro Pasipikong gera.
Pamilya
baguhonAn pagsasaro na Lindbergh asin saiyang agom na si Anne M orrow nagbunga nin anom na aki. Sinasabi na pito pang aki an igwa niya na bunga sa mga relasyon na adulteryo sa ibang mga babae, tolo kaini mga Aleman, na an duwa tubong Bavaria asin an saro gikan sa East Prussia, na an siring na pakikipiday nagpoon pa kan 1957 kan siya may edad 545. Kan 2003, 29 taon pakalihis kan pagkagadan niya, asin duwang taon pakagadan kan saiyang agom, sarong aki niya sa luwas na si Astrid Hesshaimer, pinagbuyagyag an mga pananambay niya.
Kan 2005, nahayag na limang ilehitimong mga aki niya iyo sa magtugang na mga Aleman na sinda Brigitte asin Marietta Hesshaimer asi n duwa pa man sa saiyang sekretarya na si Valeska.[5]
Autor
baguhonMaliban pa kan sinurat niyang "WE" asin The Spirit of St. Louis, si Lindbergh amot an mga sinurat sa lakaw nin mga taon dapit sa syensia, teknolohiya, nasyonalismo, gera, materyalismo, asin kaogdan (values). Kaiba sa mga sinurat niya sa iba-ibang tema, limang libro an sayod nabilog niya pa: The Culture of Organs (katuwang si Dr. Alexis Carrel) (1938), Of Flight and Life (1948), The Wartime Journals of Charles A. Lindbergh (1970), Boyhood on the Upper Mississippi (1972), and his unfinished Autobiography of Values (postuma, 1978).[6]
Toltolan
baguhon- ↑ "Archive copy". Archived from the original on 2017-12-22. Retrieved 2019-02-06.
- ↑ https://www.navalaviationmuseum.org/aircraft/nc-4/
- ↑ Newton 2012, p. 197 Archived February 4, 2017, at the Wayback Machine..
- ↑ "Charles Lindbergh's Noninterventionist Efforts & America First Committee". www.charleslindbergh.com.
- ↑ [1]www.telegraph.co.uk. Kinua 2019-02-06
- ↑ [2]goodreads. com. Kinua 2019-02-06
