Charito Solis
Si Rosario Violeta Solís Hernández mas midbid bilang Charito Solís (Oktobre 6, 1935 – Enero 9, 1998), dating sarong premyadong aktres sa pelikula nin FAMAS asin Gawad Urian Award.
| Charito Solís | |
|---|---|
| Kamundagan | Rosario Violeta Solís Hernández Oktobre 6, 1935 Tondo, Manila, Philippine Islands |
| Kagadanan | Enero 9, 1998 (edad 62) Calamba, Laguna, Filipinas |
| Trabaho | Aktres |
| Mga taon na aktibo | 1955–1998 |
Si Rosario Violeta Solís Hernández namundag sa Manila. Sa edad na 19, siya ipinamidbid kan saiyang tiyo, an direktor sa pelikula na si F. H. Constantino ki Doña Narcisa de Leon, an pamayo kan LVN Pictures, na nagkaag sa saiya nganing magin artista sa saiyang inot na pelikula na Niña Bonita, sarong adaptasyon kan pelikula nin Frank Capra na It Happened One Night.[1] Nagin matriyumpo an pelikula, asin nagin poon kan 43-taon na karera ni Solís sagkod na siya magadan. Si Solís nagadan kan Enero 9, 1998 sa Syudad nin Calamba huli kan atake sa puso.
Karera sa pelikula
baguhonSi Solís nagluwas sa labi 100 na mga pelikula poon sa mga klasiko sa LVN Picture: Niña Bonita (1955), Charito, I Love You! (1956), Walang Sugat (1957), Malvarosa (1958), Kundiman Ng Lahi (1959) asin Emily (1960). Naitampok man siya sa nagkapirang mararahay asin minimidbid na mga pelikula sa Filipinas. Siya naggin panginot na aktres sa pelikulang adatasyon nin 1962 kan El filibusterismo Jose Rizal na idinerehir ni Gerardo de Leon.[2]
Kabali sa saiyang mga pelikula iyo an mga pelikula kaiba sa pelikula Eddie Romero: an Manila, Open City (1967), Araw-Araw, Gabi-Gabi (1975) asin Agila (1980); ni Mike de Leon: an Kisapmata (1981) asin Batch 81 (1982); ni Ishmael Bernal: City After Dark (1980) asin Hinugot sa Langit (1985); ni Lino Brocka: Init (1979) asin Ina, Kapatid, Anak (1979); asin bilang tagasaysay sa pelikula ni Marilou Diaz-Abaya: Karnal (1982). An iba pang bantog na pagtanghal ni Solís, iyo sa Angustia (1963), Tatlong Mukha Ni Pandora (1963), Magda Sales (1964), Claudia (1966) sagkod Boomerang (1966).[2]
Poon 1967-71, siya yaon sa irarom kan kontrata kan Nepomuceno Productions asin nagkaigwag walong pelikula: Dahil Sa Isang Bulaklak, Ang Langit Sa Lupa, Luha Sa Karimlan, Manila Open City, Igorota, Ang Pulubi, Pipo asin The Hunted. An saiyang pagganap sa Dahil Sa Isang Bulaklak nakaguno kan gawad na Asian Best Actress nin 1967 gikan sa Asian Film Festival na ginibo sa Tokyo, Hapon. An Dahil sa... nakaguno man ni sarong onra bilang entri kan nasyon para sa kategoryang Best Foreign Film sa Academy Awards (dai nakalaog sa semi-finals), siya asin si Luis Nepomuceno, an prodyusir kan pelikula, natawan ni tiket tanganing madalan an 40th Academy Awards, an pinakainot na mga Pilipino na makagibo nin siring.
Matapos an kontrata sa Nepomuceno Productions, siya naluwas sa nagkapira pang mga pelikula siring kan Shake, Rattle & Roll, Hindi Kami Damong Ligaw (1976), Ms. Teresa Abad Ako Si Bing, Hugasan Mo Ang Aking Kasalanan, Babae Sa Likod Ng Salamin, Beerhouse, Babae Huwag Kang Tukso, Tundo Isla Puting Bato, Babae Ngayon At Kailanman, Walang Katapusang Tag-araw, Mga Tinik Ng Babae, Iwasan Kabaret, Hubad Sa Mundo, Mga Huwad Na Mananayaw, Init, asi Alaga.[2]
Si Solís iyo an nagin pinakainot na Pilipinong aktres na magganap nin mayor na papel sa sarong pelikulang Hapon na ipinasali sa luwas kan nasyon. Kan 1961 kan nagluwas siya sa pelikula ni Kenji Misumi na Shaka, sarong pelikulang pambiograpiya sa buhay ni Buddha.[3] Nagluwas man siya sa saro pang pelikulang Haponna The Princess and I na prinodyus ni Daiei Japan na nagkaigwa nin pagpasali sa Lyric Theater sa Escolta kan Oktobre 10, 1962. Si Solís nagluwas sa saro pang pangkinaban na pelikula kaiba si Tetchie Agbayani asin John Saxon sa pelikula nin Eddie Romero na Desire (1982).[2]
Pelikulohiya
baguhonTelebisyon
- Okay Ka, Fairy Ko!, IBC (1987–1989); ABS-CBN (1989–1995); GMA (1995–1997)
- GMA Telecine Specials, GMA (1993)
- Tierra Sangre, PTV/RPN (1996-1999)
- Mula sa Puso, ABS-CBN (1997–1998)
- The Maricel Drama Special (1987-1997)
- Lovingly Yours, Helen, GMA (1990–1996)
- Coney Reyes on Camera, RPN; ABS-CBN (1987-1988)
Pelikula
| Taon | Titulo | Papel | Kompanya |
| 1999 | Bayad Puri | Mrs. Verzosa | |
| 1996 | Itataya Ko ang Buhay Ko | Edmond's Mother | |
| 1996 | Enteng and the Shaolin Kid | Tia Rosa | |
| 1994 | Kadenang Bulaklak | Miss Conchita Carbonell | |
| 1993 | Dahil Mahal Kita: The Dolzura Cortez Story | Mother | |
| 1992 | Miss na Miss Kita: Ang Utol Kong Hoodlum (Part 2) | Madame Lily | |
| 1991 | Ipagpatawad Mo | Carmen | |
| Ang Utol Kong Hoodlum | Madame Lily | ||
| 1985 | God, Save Me! | Ondeng | |
| 1984 | Teenage Marriage | Mrs. Enage | |
| 1984 | Hindi Mo Ako Kayang Tapakan | Doña Consuelo Romero | V. H. Films
|
| 1982 | Cross My Heart | Cecille | |
| 1979 | Modelong Tanso | Ramona Ferreira | Bancom Audiovision Corporation
|
| Ina, Kapatid, Anak | Emilia | ||
| Init | Osa | Showbiz Incorporated
| |
| 1977 | Walang Katapusang Tag-Araw | Matilde Montalban | Lea Productions
|
| 1976 | Babae... Sa Likod ng Salamin | Laura / Lorna | Reuben Canoy Productions
|
| 1974 | Mga Tigre ng Sierracruz | Ramona | Lea Productions
|
| 1960 | Kung Ako'y Mahal Mo | Lydia Amante | |
| 1959 | Kundiman ng Lahi | Isang | |
| 1958 | Malvarosa | Rosa | |
| Villa Milagrosa | Virginia |
