Si Catriona Elisa Magnayon Gray (namundag 6 Enero 1994) sarong Filipina-Australyanong modelo, parakanta, beauty queen, aktres, television host, asin bantog sa pagigin titulado bilang Miss Universe 2018 na ginibo sa Bangkok, Thailand. Siya an ikaapat nang Filipina na guminana sa pageant na Miss Universe.[1][2]

Catriona Gray
Miss Universe 2018 Catriona Gray naretrato kan Philippine Information Agency sa Frontrow Cares Christmas Charity for Kids Press conference na ginibo sa Shangri-la BGC sa Taguig City kan Huwebes (Desyembre 20, 2018).
KamundaganCatriona Elisa Magnayon Gray
(1994-01-06) 6 Enero 1994 (edad 30)
Cairns, Queensland, Australia
Langkaw5 pye, 10 pulgada
TituloMiss World Philippines 2016
Binibining Pilipinas 2018
Miss Universe 2018
Websityo
cat-elle.com

Edukasyon/Karera baguhon

Si Gray namundag sa Cairns, Queensland. An saiyang ama iyo si Ian Gray, taga-Fraserburgh, asin an saiyang ina iyo si Normita Ragas Magnayon, tubong Oas, Albay. Si Gray ipigngaran sa saiyang lola sa ama na si Catherine Gray (née Ross), sarong imigrante sa Western Australia gikan Scotland kan taon 1952.

Nakua niya an korona nin Miss Universe Philippines 2018 asin nasikwit kan enot pa an titulong Miss World Philippines 2016. Sa Miss World 2016, nakaiba siya sa limang finalista. [3]

Nag-adal siya sa Trinity Anglican School sa Cairns. Sa kolehiyo, nakua niya an Sertipiko sa Music Theory sa Berklee College of Music duman sa Boston, Massachusetts. Nakakua pa man siya nin Sertipiko sa Outdoor Recreation asin ranggong black belt sa Choi Kwang-Do martial arts. Siya nagi man parakanta sa sarong jazz band kan saiyang eskwelahan asin nagpapel man sa mga produksyon lokal kan Miss Saigon. Kan matapos niya sekondarya sa Australya, siya naghubo na sa Manila, Filipinas kun saen nagin siyang modelong pangkomersyal.

Sa presente, si Gray kailusyon an modelong Filipino-Amerikanong si Sam Milby. Dating kailusyon kaini an Filipino-Aleman na si Clint Bondad.

Toltolan baguhon

  1. [1]www.missworldphilippines.com. Kinua 20128-12-17
  2. [2]www.cbsnews.com. Kinua 2018-12-17
  3. [3]www.missworldphilippines.com. Kinua 20128-12-17