Si Carol Ann Laverne Morris (namundag Abril 8, 1936) sarong Amerikang aktres, modelo asin reyna nin kagayonan na iyo an ikaduwang Miss USA na nanaog nin titulong Miss Universe sa ikalimang edisyon kan pagarayonan kan 1956. Siya kinoronahan ni Hillevi Rombin, Miss Universe 1955, kan Sweden.

Carol Morris
Si Carol Morris sa Copenhagen kan 1958
KamundaganCarol Laverne Morris
(1936-04-08) Abril 8, 1936 (edad 87)
Omaha, Nebraska, E.U.
DinakulaanHouston, Texas, E.U.[1][2]
Alma materDrake University
Langkaw5 ft 7 in (1.70 m)
TituloMiss Universe 1956
Miss USA 1956
Miss Iowa USA 1956
Miss Iowa 1954
AgomEdward Burke
Beauty pageant titleholder
Kolor kan buhokKayumanggi
Kolor kan mataBughaw

Kaamayi kan buhay baguhon

Si Morris namundag sa Omaha, Nebraska, bilang solong aki kan sarong ministro. An saiyang pamilyo inot na naghubo sa Scott City, Kansas, kun sain siya nag-adal nin elementarya. Matapos maglipat sa Ottumwa, Iowa, si Morris nag-atendir nin sekondarya sa Ottumwa High School kun sain naggradwar siya na ikaapat sa saiyang klase sa 300 na estudyante. Si Morris dating sarong kampeon sa paglangoy asin nagtrabaho bilang sarong lifeguard, nagkanta sa koro nin simbahan, asin nagtogtog nin biyolin.[1] Dangan, siya nag-atendir sa Drake University sa Des Moines, Iowa, kun sain nagin siyang myembro kan kabtang nin Beta Kappa kan Kappa Alpha Theta[3] and a decorated swim team member.[4]

Karera baguhon

Si Morris nangagin sarong daragang igwang langkaw na 5-pye 7-pulgada asin timbang na 131 libras, igwa nin bughaw na mga mata asin marumarom na kolor kayumanggi, haros itom na buhok, asin pigurang may sukol na 36-25-36-pulgada. An inot na pagarayonan na saiyang binalihan iyo an Miss Ottumwa kun sain siya an nanaog. Si Morris yaon sa sekondarya asin pinadrinohan kan South Ottumwa Boosters club.[2] Mantang nag-aatendir sa Drake University, siya nagbali asin nanggana sa Miss Iowa 1954. Dangan inirepresentar ni Morris an Iowa sa Miss America 1955. Sa poryon nin talento kaining kompetisyon siya nagtogtog kan Stardust gamit an saiyang biyolin.[1]

Si Morris ginana an 1956 Miss USA na igwa nin 43 partisipantes asin ini ginibo sa Long Beach, California.[5][6] Siya nagpadagos sa paglaban asin ginana an 1956 Miss Universe laban sa 29 na partisipantes gikan sa bilog na kinaban, na ginibo man sa Long Beach. Mantang nagrereynar bilang Miss Universe, nakahampang ni Morris an mga Presidenteng siHarry Truman sagkod Herbert Hoover, asin mga tropa kan Estados Unido kaiba si Bob Hope. Siya nakabalik man sa saiyang banwaan asin nagkaigwa nin pinakadakulang selebrasyon sa kasaysayan kan Ottumwa. Sarong parada an hinimo para sa saiya, kaiba an Gobernador kan Iowa na si Leo Hoegh asin apat na pyeng tropeo kan Miss Universe trophy.[1] Kan 1956 asin 1957, siya nagluwas bilang sarong misteryosong bisita sa What's My Line asin To Tell the Truth, sosog sa pakasunod.

Matapos an saiyang pagreynar bilang Miss Universe, pinonan niya an saiyang karera sa pag-arte. Saro sa nakua niyang premyo bilang ganador kan Miss Universe iyo an sarong kontrata nin pelikula para sa sarong-taon.[7] An saiyang inot na pelikula iyo an Crazy Love kaiba an kapwa aktor na si Jeff Chandler. Siya nagluwas sa kadakol na mga pelikula asin programa sa telebisyon. An huring papel ni Morris iyo sa Paradise Alley na iprinodusir kan 1962, na kaagid asin iba man sa mas bantog na pelikula kan 1978 na igwang siring na titulo.

Inagom si Morris kan Hunyo 1959: sa edad na 23 saiyang pinakasalan an 45-anyos na si Ed "Buzz" Burke na sarong mayaman na negosyante nin gasolina sa Texas na gikan sa Houston. Kan Abril 1960, nagkaigwa nin aking lalaki an duwa asin nagkaigwa pa nin duwang aki kan suminunod na mga taon. Nagadan an agom ni Morris asin siya nag-agom liwat kun sain nagkaigwa sinda nin sarong aki. Igwa siya ngunyan nin sarong makuapo. Poon kan 2010, siya nag-iistar sa Texas kaiba an saiyang agom.[1][2]

Poon kan 2015, siya sana an saro-sarong Miss Iowa USA na nangganang Miss USA. Aktibo pa ma siya sa pagarayonan nin Miss Iowa USA.[2]

Toltolan baguhon

  1. 1.0 1.1 1.2 1.3 1.4 "Famous Iowans - Morris, Carol". The Des Moines Register. Archived from the original on 2019-08-13. Retrieved 2010-12-23. 
  2. 2.0 2.1 2.2 2.3 Smith, Dave (April 13, 2010). "Miss Universe pageant held in Ottumwa? Yeah, right". Quad-City Times. Retrieved 2010-12-23. 
  3. Theta, Kappa Alpha (August 4, 2019). "Blog". Kappa Alpha Theta. 
  4. Smith, Doug. "Miss Universe pageant held in Ottumwa? Yeah, right". The Quad-City Times. 
  5. Belser, Emily (July 19, 1956). "Iowa Girl Is Miss U.S. In World Beauty Bid". Miami Daily News. International News Service (Miami, FL: Cox Enterprises). Archived from the original on January 25, 2020. https://web.archive.org/web/20200125222325/https://news.google.com/newspapers?nid=2206&dat=19560719&id=FgxgAAAAIBAJ&sjid=RekFAAAAIBAJ&pg=2416,1004324&hl=en. Retrieved on March 25, 2015. 
  6. "Iowa Beauty Wins Title of Miss U.S.A.". Toledo Blade. Associated Press: p. 2. July 19, 1956. https://news.google.com/newspapers?nid=1350&dat=19560719&id=cLpOAAAAIBAJ&sjid=uwAEAAAAIBAJ&pg=5210,5829290. Retrieved on January 10, 2015. 
  7. "Miss 2011". WordPress.com. Archived from the original on 2010-08-16. Retrieved 2010-12-23.  Unknown parameter |url-status= ignored (help)

Mga panluwas na takod baguhon