Carlo Paalam

Si Carlo Paalam (namundag Hulyo 16, 1998) sarong boksyador na nobato. Abot kan Abril 2021, siya rinanggong ika-12 sa panlalaking dibisyon sa flyweight kan Amateur International Boxing Association.

Carlo Paalam
Paalam on a 2021 stamp of the Philippines
Estadistika
Klase nin gabat	Flyweight
Langkaw	5′ 4″ / 162cm
Nasyunalidad	Filipino
Namundag	(1998-07-16) Hulyo 16, 1998 Talakag, Bukidnon, Philippines
Rekord nin medalya Men's amateur boxing Nagrerepresentar kan Filipinas Event 1st 2nd 3rd Olympic Games 0 1 0 Asian Games 0 0 1 Southeast Asian Games 1 0 0 Total 1 1 1 Olympic Games 2020 Tokyo Flyweight Asian Games 2018 Jakarta Flyweight Southeast Asian Games 2019 Philippines Flyweight

Si Paalam nakapasar sa kinakaipo asin piglalaoman na mapartisipar sa Olimpiko na ginigibo ngonyan na Hulyo 2021 sa Tokyo. Siya medalistang bulawan man sa 30th SEA Games light flyweight division.

Kaamayi kan buhay

Si Carlo Paalam namundag kan Hulyo 16, 1998 sa Bukidnon.. An saiyang ina nagsuway sa saiyang ama kan siya anom na taon pa sana an edad. Dangan kaini an ama niya asin siya saka mga tugang nagpaCagayan de Oro sa paghanap nin marhay na oportunidad sa pagbuhay Si Paalam nagin parakotkot sa mga basurahan duman sa syudad. Saiyang kanatad pig'agda siya na magbali sa sarong lokal na turnament sa boksing na apod "Boxing at the Park" kan siya nahihiling na mahilig makiboksing sa mga kontes. An inot niyang ginanang premyo kan edad 7 ipigtungod niyang bagas para sa pamilya.

Karera

Siya nakaapod nin atensyon sa mga opisyales kan 2009 pakabali niya sa Boxing at the Park na turnament asin ta kinopkop siyang magtraining sa programa kan Cagayan de Oro sa pagboboksing. Kan 2013, si Paalam nagbali na sa Philippine national team asin nagpoon nang makasali sa mga kompetesyon sa lebel internasyonal. Siya nasikwit an medalyang bronse sa AIBA Youth Asian asin World Championships kan 2016, asin sa Asian Games kan 2018. Nagbali sa 2017 Southeast Asian Games sa Malaysia pero daing nasikwit na medalya.

Si Paalam nasikwit an mga medalyang bulawan sa ASTANA/President's Cup sa Kazakhstan kan 2017, 10th AIBA International Boxing Tournament, asin sa 1st Thailand International Boxing Tournament kan 2018.

Kan 2019, naguno niya an pinakaprimero ninyang medalyang bulawan sa Southeast Asian Games kan an 2019 Southeast Asian Games igdi ginibo sa Filipinas.

Siya nagpapartisipar sa Pakawat Olimpiko sa Tig-init 2020 na ginigibo sa Tokyo ngonyan na Hulyo 2021 pakapasar sa mga kairipohan sa IOC-BTF standings, alagad an turnament na ini naoktaba gibo kan pandemyang COVID19. Nakua niya an kapangganahan kontra ki Irish flyweight na boksyador na si Brendan Irvine asin ta suminakat na siya sa Round 16 Quarterfinals. Dangan nanggana siya sa desisyon na unanimo laban sa World Championship Silver and Bronze Medalist na si Mohamed Flissi kan Algeria. Dangan naman guminana siya sa nagtutukaw na Olympic Gold Medalist na si Shakhobidin Zoirov kan Uzbekistan sa desisyon na 4-0 manta na an laban pinapondo na ta parehas na dugoan na napangana.. Si Paalam nag'abante na sa Semi-Finals kun saen an lalabanan niya iyo si Ryomei Tanaka nin Hapon.

Sa laban niyang ini ki Tanaka nakua niya an desisyon na unanimo na siya an gana.

Sa laban niya kontra ki Galal Yafai kan Gran Britanya napatumba siya tolos sa primerong hurnada pa sana. Mala ta natapos an bugtian ninda an hurado nagbaba nin desisyon 4-1 a pabor ki Yafai. Kaya an ipupuli ni Paalam medalyang pirak para sa Filipinas.

Agi sa labot nin dagom

Si Paalam tunay na guerrero. Nakaantos siya sa laban hanggan masikwit an medalyang pirak. Enot, ginulpi niya si Brendan Irvine kan Irlandya, 4-1 sa hurnada 32, saka pinulpog niyang husto si Mohammed Flissi kan Algeria paagi nin desisyon unanimo 4-0, sa hurnadang 16, siring man iyo an nangyari ki Shakhobidin Zoirov kan Uzbekistan sa desisyon 4-0 saiya pabor na nag'asegurar saiya nin medalyang bronse. Sa semi-final, nadominar niyang husto si Ryomei Tanaka kan Hapon sa desisyon 5-0 na iyo an nagtao saiya nin medalyang pirak. Kuta, medalyang bulawan nanggad an masisikwit niya sa laban niya kontra ki Galal Yafai. Alagad, siya nadaog kaya medalyang pirak an ipupuli niya para sa Filipinas.

Pasib para ki Paalam

Sa pagdara niya nin dakulang onra para sa Filipinas sa pagguno niya nin medalyang pirak sa Pakawat Olimpiko sa Tig-init 2020, si Paalam, na dati parapurot sana nin basura sa Cagayan de Oro, masalo nin milyon milyon na pesos komo premyo saiya. An gobyerno Filipino, susog sa mandato kan Akta Republika 10699, duduholan siya nin 5 Milyon na pesos, si Manny Pangilinan matao man saiyang 5 milyon, si Ramon Ang, Chairman kan San MIguel Corporation, siring man matao saiya nin 5 milyon, asin 2 milyon man matao si Deputy Speaker Rep. Mikee Romero. Dagdag pa igdi, an PAL magawad saiya nin 60,000 milya na libreng sakay taon-taon sa lawig kan bilog na buhay niya.