Caligula

Si Caligula (/kəˈlɪɡjʊlə/;[1] Latin: Gaius Julius Caesar Augustus Germanicus; 31 Agosto 12 – 24 Enero 41 AD), sarong emperador Romano poon AD 37 abot AD 41. Aki ni Germanicus, sarong popular na Romanong heneral, asin ni Agrippina an Matua, na iyo an makuapo ni Augustus, si Caligula namundag sa laog kan pinakaenot na pamilyang namomoon sa Imperyo Romano. Ini an komun na inaapod na Dinastiyang Julio-Claudia. Pakalihis duwang taon pakamundag ni Caligula, an tatahon ni Germanicus asin an ama niyang tagaataman saiya si Tiberius, nagtukaw sa trono bilang Emperador kan Roma kan AD 14, kasalida ni Augustus.

Si Caligula

Maski ngani siya nabunyagan kan pangaran na Gaius Caesar, sa pag'ayog ki Julius Caesar, siya nadukotan kan gaha' na Caligula, na gustong sdabihon "botas kan sadit na soldados", an apod sa sadit na botas (caliga), huli sa pagkampanya sa Germania kan mga tropa kan saiyang ama. Kan magadan si Germanicus sa Antioch kan AD 19, si Agrippina nagbalik sa Roma kaiba an anom niyang aki kun saen siya nakasiplingan si Tiberius. An siplingan na makuri nagresulta sa pagkabuag kan saiyang pamilya na an solong nakaligtas buhay iyo si Caligula. Kan AD 31, inagda siya ni Tiberius na mag'estar sa isla nin Capri. Kan magadan na si Tiberius, siya nagsalida siya igdi komo sunod na emperador kan Roma kan AD 37.

Pagtukaw bilang emperador

Siya bilang ikatolong emperador kan Roma, nabantog na gayo kan saiyang masamwang asin maringis na pamomooon sa apat na taon pagtukaw niya sa saiyang katongdan (AD 37-41). Ining gawe niyang ini na labi-labi paggasto asin pagrawraw kan kayamanan kan Roma asin saiyang pagkamaringis asin madugong pagadministrar, na sinasabing mas labi pa sa gawe kan saiyang pinsan na si Nero, nag'abot sa punto na siya an pinaka'enot na emperador nin Roma na inasasinar.

Panluwas na takod

• [4] 7 Things You May Not Know About Caligula. Kinua 05-11-18.