Bukid Sion
An Bukid Sion (Hebrew: הַר צִיוֹן, Har Tsiyyon; Arabic: جبل صهيون, Jabel Sahyoun) sarong bulod sa Jerusalem sa luwas kan mga pader kan Lumang Siyudad. Sa kasaysayan, itinatakod an Bukid Sion sa Bukid nin Templo.[1] Sa Biblia, arog katimbang an Bukid Sion sa Bukid Moriah, an lugar kun saen ginapos si Isaac asin an Templo nin mga Hudyo. Ginagamit man an kataga sa bilog na kadagaan nin Israel.[2]
Manunumpungan an bulod sa amnayan-sulnopan na banda kan Lumang Siyudad nin Jerusalem na kasumpay kan Bukid nin Templo. Dakulon simbahan asin saradit na mga sementeryong Kristiyano saka Hudyo sa bulod na ini. Kabanga kan Bukid Sion yaon sa Lumang Siyudad, duman sa estaran kan mga Hudyo asin kan mga taga-Armenia. Sinasabing an lulubngan ni Hadeng David yaon sa alitoktok kan Bukid Sion.
Toltolan baguhon
- ↑ The Significance of Jerusalem: A Jewish Perspective
- ↑ This is Jerusalem, Menashe Harel, Canaan Publishing, Jerusalem, 1977, pp.194-195
Mga panluwas na takod baguhon
| An Wikimedia Commons igwa nin medya dapit sa Bukid Sion. |
