Bukid Iwaki
An Bukid Iwaki (岩木山 Iwaki-san) sarong estratobulkan na nakapamugtak sa sulnupan nin Prepekturang Aomori, Tohoku, Hapon. Bisto man ini minsan sa Tsugaru-Fuji huli ta sa saiyang hulma.[1] Nalista an bukid bilang saro sa 100 na Bantog na Kabukidan kan Hapon sa sarong 1964 na libro kan mountaineer/awtor na si Kyūya Fukada.[2] Nakamugtak an bukid asin an napapalibutan kaini sa hangganan kan Tsugaru Quasi-National Park.
| Bukid Iwaki | |
|---|---|
| 岩木山 | |
 An Bukid Iwaki asin an apple orchard | |
| Pinakahalangkaw na Piye | |
| Elebasyon | 1,624.7 m (5,330 ft) 1,624.7 metre  |
| Nililista | List of mountains and hills of Japan by height Lista kan mga bulkan sa Hapon |
| Tagboan | 40°39′12″N 140°18′24″E / 40.65333°N 140.30667°ETagboan: 40°39′12″N 140°18′24″E / 40.65333°N 140.30667°E |
| Mga dimensyon | |
| Pagpapangaran | |
| Heograpiya | |
  Bukid Iwaki | |
| Heolohiya | |
| Tipo kan Bukid | Estratobulkan |
| Huring pagtuga | Marso 1863 |
| Pagtukad | |
Henolohiya baguhon
An Mount Iwaki sarong medyo simetriko andesitikong estratobulkan, naglalangkaw sa relatibong pagsusuway gikan sa mga kapatagab sa base kan Rawis nin Tsugaru. Duwang kilometro kalawig an rukrok na bunganga kaini asin igwa ining tolong mga simboryo nin nagkakalakagang laboy o lava dome sa sulnupan asin habagatang gilidan. An bukid madalas na aktibo sa mga makasaysayang panahon, na igwang madalas na aktibidad na pigbubuo nin haros sararadit sagkod katamtaman mga preatikong pagputok sa kasagsagan kan Panahon nin Edo. An huring aram na pagtuga kan Bukid kadtong ika-23 nin Marso 1863. Namamantinir an Unibersidad nin Hirosaki nin sarong obserbatoryo na igwang 18 mga istasyon nin telemetering sa bukid poon pa kadtong 1981.[3]
Pagsakat sa Bukid Iwaki baguhon
Maaabot sana an rukrok na may 1625 metros,[4] sa paagi sana kan pagtukad, alagad nakadepende an laba kan tutukadon sa ruta na aagihan. Poon sa Dambana nin Iwakiyama (岩木山神社), pigtatantyang apat na oras an pagtukad pataas.[5] Mappon an trail sa laog kan dambana, bago an dakulang trangkahan sa wala. An pinakamadali asin mas bistong ruta pigsusunod an Tsugaru Iwaki Skyline, sarong tol na dalan, sagkod sa sarong pag-angat. Nagpupuon an Linyang-langit sa Ikaatolong ruta nin Prepekturang Aomori sa SW na parte kan Bukid Iwaki. Sa puro kan tinampo, igwang pag-angat nin tukawan. Poon sa tuktok kan pang-angat na tukawan sagkod sa rukrok naghahaloy nin haros 30-40 minuto para sa paglakaw.
Pagpaduman baguhon
Arog kan Aomori, an pinakamadaling paagi tanganing mgakaduman sa Bukid Iwaki sa paagi kan awto. Mas hababa an bukid sa 20 miles (32 km) gikan Hirosaki, na igwang Highway 3 sa habagatan asin sa sulnupan dangan an Highway 30 sa subangan asin amihanan. Bilang kahalili, nagdadalagan an mga bus gikan sa Hirosaki sagkod sa base kan bukid.
Mga toltolan baguhon
- ↑ "Iwaki". Global Volcanism Program. Smithsonian Institution.
- ↑ Hyakumeizan, Hiking Japan! Archived 2007-01-09 at the Wayback Machine.. Japan Gazetteer. Accessed June 27, 2008.
- ↑ "Archive copy". Archived from the original on 2020-09-28. Retrieved 2019-11-01.
- ↑ "Touring Mapple 2007 (Tohoku region), Simap, 2007 (sa Hapon)
- ↑ Rowthorne, C. et al.: "Japan (8th edition)", Lonely Planet Publications, 2003
Mga panluwas na takod baguhon
| An Wikimedia Commons igwa nin medya dapit sa Mount Iwaki. |
- "Iwakisan: National catalogue of the active volcanoes in Japan" (PDF). - Ahensiya nin Meteorolohikal kan Hapon
- Iwakisan - Smithsonian Institution: Global Volcanism Program