An Bukid Asog, o Bukid Iriga, sarong aktibong bulkan sa Camarines Sur, Filipinas.[1]

An Bukid Asog kun hihilingon sa gamping Baao

Pisikal na Kamugtakan baguhon

An Bukid Asog sarong stratovolcano na namomogtak sa latitud 13' +34'.8" N longitud 122' + 24' .5' E.. harani sa Danaw Buhi. May langkaw ining 1,470.1 na metro (4,823 na pie).

Mga Pagtuga baguhon

Huring nagtuga ini kan Enero 4, 1642.[2] Nagtupag an gilid kan bukid asin nasagop an mga sapa asin resulta kaini nagkaigwa nin danaw sa gilid na iyo na an Danaw Buhi na an kasiyahan na rarom nag'abot walong metro asin may 18 kilometro kwadrado an hiwas.[nangangaipo nin toltolan] An ngawngaw kaini sa aliktoktok nahulog pararom nin limang gatos na pie.[nangangaipo nin toltolan]

Flora asin Fauna baguhon

Sa bukid na ini nadiskubre kan mga estudyante kan Camarines Sur State Agricultural College an pigtutubudan na pinakasadit sa mga darakulang species nin Rafflesia sa Filipinas na may sukol sanang 12-13 cm an diametro.[3] Nagaabot sa 25 specie nin kagamgaman an nageerok igdi.[nangangaipo nin toltolan] Laen pa kaiyan yaon igdi nabubuhay an mga opon (baboydamo) asin mga usa.[nangangaipo nin toltolan]

Iriistorya baguhon

An taramon na Asog boot sabihon daa (susog ki Merito Espinas) may sarong bayag sana asin iyo man ini an arapodan sa gugurang na bikolnon na pading lalaki na sa mga seremonya nabadong sa babae asin nasulot mga kawingkawing asin kun maghiro-hiro' sa binakla o garo sarong bayot (babayote). An sabi ni Espinas an bukid na ini iyo an bukid nin ritwal kan panahon ni Handyong, sa panahon na antigo asin nagpapanalmingan kan epikong Ibalong.

An bukid Asog bisto man sa Iriga komo bukid Sumagang (magsubang) o Bukid na Amay Sinusubangan. Ini an estaran kan mga Agta' asin mga tabangnon (mestisong Agta) asin an bukid na ini patos sa osipon na mitiko.

Kataytayan nin mga ladawan baguhon

Toltolan baguhon

Ginunoan baguhon

Mga panluwas na takod baguhon

  • Wikipmapia Websayt- [1]
  • Iriga city Websayt - [2]
  • Lake Buhi, Ingles Wikipedia -[3]
 
Bukid kan Asog nahihiling sa Ocampo, Camarines Sur