Bruno Migliorini
Si Bruno Migliorini (Italian pronunciation: [ˈbruːno miʎʎoˈriːni];[1] 19 Nobyembre 1896 – 18 Hunyo 1975) sarong Italyanong linggwista asin pilologo. Siya an kagsurat kan saro sa pinakaenot na historya sayantipiko kan Lenggwaheng Italyano[2] asin presidente kan Accademia della Crusca.[3][4][5]
Biograpiya baguhon
Si Migliorini namundag sa Rovigo.
Siya nag'adal sa Ca' Foscari na unibersidad sa Venice, dangan sa faculty of Letters kan Unibersidad nin Padua. Kan madaog an Italyano sa Batalya nin Caporetto (1917), an saiyang pamilya nag'isog sa Roma. Duman saiyang natagboan an saiyang mga mentor sa Unibersidad nin La Sapienza, an mga pilologong sa Ernesto Monaci asin Cesare De Lollis, dangan poon 1920, nakipagtabangan siya sa pagpaluwas kan journal na La Cultura, na an mga katugdas kaini iyo si De Lollis mansana asin si Giovanni Gentile.
Siya nagin pamayong editor kan Enciclopedia Italiana poon 1930 abot 1933, kun kasuarin saiyang nasanglean bilang propesor si Angelo Monteverdi sa Romance languages asin literatura sa Unibersidad nin Fribourg, hanggan taon 1938. Pakatapos kaini, siya nagin enot na propesor sa Historya nin lenggwaheng Italyano, sarong bagong departamento sa Unibersidad nin Florence, sagkod taon na 1967. Kan 1939, katuwang si Giacomo Devoto, pigtugdas niya an journal na Lingua nostra ("Satuyang Lenggwahe").
Poon 1949 sundo 1963 si Migliorini presidente kan Accademia della Crusca asin poon 1958, siya kaapil sa Accademia dei Lincei. Siya saro sa ekspertong Italyano sa Esperanto.
Siya saro sa autor kan pigsasayod na diksyunaryonin Italyano, an Dizionario d'ortografia e di pronunzia, o DOP.[6]
Siya nagadan sa Florence kan Hunyo 18, 1975.
Ginunuan baguhon
- Nencioni, Giovanni (1976). Bruno Migliorini. Rome: Accademia Nazionale dei Lincei. ISBN 978-88-218-0271-3.
Toltolan baguhon
- ↑ Canepari, Luciano. "Migliorini". DiPI Online - Dizionario di Pronuncia Italiana (in Italian). Retrieved 4 March 2019.
- ↑ Storia della lingua italiana, Florence, Sansoni, 1960.
- ↑ "Neopurismo e glottotecnica". Retrieved 31 January 2008.
- ↑ "Manuale di Esperanto" (PDF). Archived from the original (PDF) on 2 February 2013. Retrieved 2 February 2013. Unknown parameter
|url-status=ignored (help) - ↑ "Migliorini, uomo linguista ed esperantista". Archived from the original on 14 July 2014. Retrieved 26 April 2018.
- ↑ Migliorini, Bruno; Tagliavini, Carlo; Fiorelli, Piero (31 January 2008). Tommaso Francesco Bórri, ed. "Dizionario italiano multimediale e multilingue d'ortografia e di pronunzia". dizionario.rai.it (in Italian). Rai Eri. Retrieved 26 April 2018.
