Bruce Lee
Si Bruce Lee (namundag, Lee Jun-fan; Nobyembre 27, 1940 - Hulyo 20, 1973) sarong Intsik-Amerikano asin Hongkong na aktor, tagatokdo nin martial arts, pilosopo, direktor asin produsyer nin pelikula, screenwriter asin kagtogdas kan inapod niyang Jeet Kune Do, sarong sistema nin martial arts na saiyang pigtotokdo asin pigpapalakop. An mga komentarista asin mga artista sa martial arts nagtutubod na siya na an pinaka maimpluensyang artista sa martial arts sa modernong panahon, asin hinihiling siya komo sarong icon kultural.
Si Lee namundag sa San Francisco, California sa Estados Unidos, sa mga magurang niyang gikan Hongkong asin ta siya pinadakula igdi hanggan mag'edad nang 18. Siya naghubo sa Amerika ta boot niyang hinakoon an saiyang citizenship bilang Amerikano. Duman na siya nag'adal sa kolehiyo. Kan yaon na sa Amerika, nagpoon na siyang magtokdo kan martial arts, na nagtaong dalan saiya na makalaog sa mga pelikula sa telebisyon asin sa sine.
