An boryo (Ingles: bohrium) iyo sarong sintetikong elementong kimikal na may simbolong Bh asin atomikong billang na 107. Pigpangaran ini pakatapos kan Danish na pisiko na si Niels Bohr. Bilang sarong sintetikong elemento, pwede ining mamokna sa laboratoryo pero dae mahihiling sa kapalibotan. An gabos na aram na isotopo kan boryo iyo radyoaktibong marhay; an pinakapusog na aram iyo an 270Bh na may kabangang-buhay na harus 61 segundo, maski an dae pa nasisigurong 278Bh pwedeng igwang mas halabang kabangang-buhay nin harus 690 segundo.

An elemento 107 iyo orihinal na pigheras na ipangaran pakatapos ki Niels Bohr, sa ngaran na nielsbohrium (Ns). An ngaran na ini iyo dagos na pigribayan kan IUPAC sa bohrium (Bh).

Sa peryodikong tableta, saro ining d-block na transaktinidong elemento. Kaapil ini kan ika-7 na peryodo asin yaon sa grupo 7 na elemento bilang an ikalimang kaapil kan 6d serye nin transisyong metal. An mga kimikang eksperimento nakakasiguro na an boryo may kaugalian bilang mas magabat na homologo sa renyo sa grupo 7. An kimikal na karakter nin boryo iyo pigkakarakterisa sana nin partida, pero nakukumpara sinda nin marhay sa kimika nin iba pang mga grupo 7 na elemento.

Panluwas na takod baguhon

  •   Igwang relatibong medya para sa Boryo duman sa Wikimedia Commons
  • Bohrium sa The Periodic Table of Videos (University of Nottingham)