Bitamina A
An bitamina A mga nutrients na kaipohan na gayo sa normal asin marayrahay na pagpungsyon kan mga organo kan hawak orog na an mga mata ngani ini may toltol asin aregladong paghiling. Ini nataong kakayahan sa mata na makahiling sa mga kondisyon na dikit an liwanag sa palibot. An kulang kaini pwedeng magkaigwa an tawo nin inapod na "night blindness" o dai makariraw sa may kulang na liwanag asin maduru-diklom an palibot.[1]
An bitamininang ini kaipohan man sa produksyon asin pagmantensyon kan 'white blood cells' na kaipohan na gayo sa paglaban sa impeksyon. Kaya ini nagsusuporta sa sistemang inmune.
Ini man natabang sa maray na paghitsura kan kublit nin tawo asin nagpapadakul sa produksyon kan mga selula nin kublit nasumpo sa pagkaigwang helang na 'acne'.
Sa salud nin reproduksyon, importanteng gayo an bitaminang ini. Ta ini natabang sa reproduksyon kan 'esperma' (sperm) asin normal na pagpungsyon kan ovaries asin placenta.
An pagtalubo kan selula sa kahawakan nin tawo natatabangan nanggad kan bitamina. Igwa man ini kan inaapod na antioxidant properties na naproteher sa hawak sa ratak kan 'free radiocals' na an mga ini nagpaparu'ru' sa paggugurang kan tawo. An bitamina sinasabing nakakataong dakulang pagmantener sa pagtalubo kan tu'lang asin normal na pungsyon kaini.
An bitamina A makukua sa mga kakanon arog kan carrot, kamote, spinach asin katoy. Makukua man ini sa mga pagkakan sa linutong manok, karneng orig asin baka, sira, asin mga produktong dairy arog kan sugok, asin gatas.
Toltolan
baguhon[[Kategorya: