Bingkay
An bingkay, iyo an tibulaka kan mollusk, urog na kun dai na nin laog tà nagadan na an kagharong kaini. Iyo ini an tibulaka (exoskeleton) kan buhay na mollusk asin ini magkatakupan, nagbubukabuka. Napipisan an mollusk komo marinong hayop na inaapod sa Ingles na bivalves. Digdi klasipikado an mga inaapod sa bikol na punáw, takal, talaba(o, sisi') , tahong asin tiniktik, mga marinong hayop nag-iistar sa maasgad na tubig pero nakukua man sa mga malapok na tubig na tàbang.
An mga bingkay komun nahihiling sa mga baybayon, parati urutas na, asin an mga tibulaka kan mga species sa tàbang nagkukuriyat sa mga patag na gilid kan mga salog na inabot-abot kan tubig kapag tignarakul.
An bingkay, iyo an saro sa materyal sa pagtugdok nin gapong estruktura kaidto, arog kan mga simbahan kan panahon nin Espanyol igdi sa Filipinas. Sa pagigibo nin pamulot sa mga sinusuruknong na gapo o radrilyo, an bingkay binabaga na magin runot na pulbos (apod na apog), asin ini rinaramas sa tinuktok na bandala nin abaka, kaputian kan sugok, saka galagala na mapuluton na marhay. Alagad ngunyan tà naimbento na an semento, bako naman ramas na siring, garamiton sa konstruksyon. An siring na pulot inuusar man sa pagkalapati sa mga baroto o mga sasakyan-dagat tanganing dai laugon nin tubig.
Mga panluwas na takod
baguhon- Morpolohiya kan bingkay- [1] Archived 2009-08-01 at the Wayback Machine.
- Estruktura kan bingkay- [2]
- Bivalvia- [3] Archived 2010-02-28 at the Wayback Machine.
Toltolan
baguhon- Bikol-English Dictionary. Mintz & Britanico.New Day Publishers. Quezon City, Philippines. 1985.
- Diksyunaryo-Tesauro, Pilipino-Ingles. Jose Villa Panganiban. Manlapaz Publishing Co.,l Quezon City, Philippines. 1973.
