Billy Graham
Si William Franklin Graham Jr KBE (Nobyembre 7, 1918 – Pebrero 21, 2018) sarong Amerikanong ebanghelista kan sektang American evangelical Christian asin naordenan man na ministro kan Southern Baptist. Siya nabantog komo saro sa maimpluensyag ministro internasyonal pakalihis kan taon 1949. Siya na daa an saro sa maimpluensyang pastor kan ika-20ng siglo ta nasermon siya sa mga robo-robong paradangog magin man paagi nin radyo asin telebisyon, o sa mga ginatos na ribong tiripon sa balad man o sa laog nin gymnasium. Sa anom na dekadang programa sa telebisyon, si Billy Graham nag'ama kan inaapod na Billy Graham Crusades, na nagtagal poon 1947 sagkod taon 2005 kun kasuarin siya nagretiro na. Saiya man na inataman an popular na gayong programa sa radyo, an Hour of Decision poon 1950 sundo 1964.[1]
Si Billy Graham sinasabing naabot mag'ebanghelyo sa 215 milyon katawo paagi kan mga krusada niya asin mga simulcast sa telebisyon asin radyo sa bilog na kinaban. [2]
Ugos asin pighahadoy kan magkapirang mga presidente kan Estados Unidos, si Billy Graham nagadan sa edad na 99 kaining Pebrero 21, 2018 sa saiyang pagkaturog.[3]
Toltolan baguhon
- ↑ [ https://billygraham.org/story/billy-graham-evangelist-to-the-world-dead-at-age-99/]billygraham.org[permanent dead link]. Kinua 21-02-=18
- ↑ [1]billygraham.org. Kinua 21-02-18
- ↑ [2]abcneews.go.com. Kinua 21-02-18
