Benz Patent Motorwagen

An Benz Patent-Motorwagen ("patent motorcar"), hinaman kan 1885, iyo an sinasabing pinakaenot na awtomobil sa kinaban, na pinapaandar paagi kan internal na kombustyon nin sarong makina. An orihinal na gasto sa paghaman kaini nag'abot 600 imperial German marks o mga 150 dolyar, katumbas sa $3,998 sa taon na 2016. An behikulo nata'wan numero sa patente sa Alemanya na 37435, na siring na patente pinag'ulay ni Karl Benz kan Enero 29, 1886. Sa aldaw nin paghagad patente iyo an petsa nin patente oras naaprobaran an paghagad patente na nangyari kan Nobyembre kan taon na idto. Ibiniklad ni Benz an saiyang imbensyon sa publiko kan Hulyo 3, 1886 sa Ringstrasse sa Mannheim. Mga 25 Patent-Motorwagen an nahaman sa pag'oltan kan taon 1886 asin 1893.

An Patent-Motorwagen

An Patent-Motorwagen

Si Bertha Benz

Pagbyahe kan Patent-Motorwagen

Ngane mapabantog an bagong behikulo asin ipahiling sa publiko na praktikal na imbensyon an siring, si Bertha Benz, agom ni Karl, pinadalagan an Patent-Notorwagen Nu. 3 , na dai daa aram ni Karl, sa sarong halawig na byahe kan Agosto 1888. Kaiba an duwa niyang aki na si Eugen asin Richard, edad 15 asin 14, nagpoon an byahe sa Mannheim, nag'aging Heidelberg, asin nakaabot sa Pforzheim, an banwaan na saiyang namundagan. Sa kagabosan, nagbyahe siyang 194 km (121 m). Siya an drayber asin mekaniko. Kan ma'inas an brake, pinasoknongan niya nin anit ini asin piglinigan an karburador kan imperdibleng gamit sa buhok asin binodbodan garter an alambre ngani dai magdurukotan. Pagdatong sa Pforzheim, siya nagtelegrama sa agom na nakaabot siyang areglado an byahe.

Mga panluwas na takod

• [1]Automuseum:Dr. Karl Benz. Kinua 29-01-17.
• [2]Company History: Benz Patent Motor Car, the first automobile (1885 – 1886). Kinua 29-01-17